អារ៉ាប៊ីសាអូឌីតបានធ្វើឲ្យមានការភ្ញាក់ផ្អើលដ៏ធំបំផុតមួយក្នុងប្រវត្តិសាស្ត្រ World Cup ថ្ងៃអង្គារនេះជាមួយនឹងការទទួលជ័យជម្នះ 2-1 លើក្រុមបាល់ទាត់អាហ្សង់ទីនរបស់ខ្សែរប្រយុទ្ធ Lionel Messi ដោយសារការវាយបកយកឈ្នះត្រលប់មកវិញក្នុងតង់ទីពីរ ។
កីឡាករវ័យ 35 ឆ្នាំ Messi បានស៊ុតបាល់ប៉េណាល់ទីនៅនាទីទី 10 នៅក្នុងការបង្ហាញដ៏លេចធ្លោមួយក្នុងតង់ទី 1 ដែលគាត់ និង Lautaro Martinez ក៏មានគ្រាប់បាល់ចំនួន 3 គ្រាប់ផ្សេងទៀតផងតែមិនត្រូវបានអាជ្ញាកណ្ដាលឲ្យដោយសារតែបាល់ offside ។
ប៉ុន្តែ អារ៉ាប៊ីសាអូឌីត ដែលជាក្រុមដែលមានចំណាត់ថ្នាក់ទាបបំផុតក្នុងការប្រកួតបន្ទាប់ពីហ្គាណា នៅដើមតង់ទី 2 បានទាត់បាល់បញ្ចូលទីចំនួន 2 គ្រាប់ នៅចំពោះមុខហ្វូងមនុស្ស 88,012 ។
កីឡាកររបស់ក្រុមជម្រើសជាតិអារ៉ាប៊ីសាអូឌីត Saleh Al-Shehri បានស៊ុតបាល់បញ្ជូលទីនៅនាទីទី 48 ខណៈពេលដែលកីឡាករ Salem Al-Dawsari បានទាត់បាល់បញ្ជូលទីគ្រាប់ទី 2 យ៉ាងស្អាតពីលើតំបន់ពិន័យនៅនាទីទី 53 ។
ថ្វីបើមានកីឡាករល្អជាច្រើនក៏ដោយ អាហ្សង់ទីនមិនអាចសុតបញ្ជូលទីលើក្រុមអារ៉ាប៊ីសាអូឌីតបានបន្ថែមទៀតទេ ។
