ដំណើររយៈពេលបីថ្ងៃរបស់ Lionel Messi នៅទីក្រុងហុងកុងបានបញ្ចប់ដោយការសោកស្ដាយសម្រាប់អ្នកគាំទ្ររបស់គាត់ ខណៈដែលកីឡាករអាហ្សង់ទីនរូបនេះមិនបានចូលទីលានក្នុងជ័យជម្នះ ៤ទល់នឹង ១ របស់ Inter Miami លើក្រុម All Star ហុងកុងក្នុងការប្រកួតមិត្តភាពដែលលេងកំឡុងដំណើរទេសចរណ៍ដើមរដូវកាលរបស់ក្លឹបអាម៉េរិក។
អ្នកទស្សនាបានស្រែកថា “សងប្រាក់វិញ” ហើយរដ្ឋាភិបាលហុងកុងបាននិយាយថា អ្នករៀបចំការប្រកួត Tatler Asia អាចនឹងប្រឈមមុខនឹងការកាត់បន្ថយថវិកា បន្ទាប់ពី Messi អង្គុយលើកៅអីបម្រុងក្នុងអំឡុងពេលការប្រកួតកាលពីថ្ងៃអាទិត្យ ។ ប្រធានក្រុមជម្រើសជាតិអាហ្សង់ទីនរូបនេះបានរងរបួសសរសៃពួរដោយបានត្រឹមអង្គុយលើកៅអីបម្រុងពេញការប្រកួត ។ ការនេះបាននាំមកនូវការខឹងសម្បារពីហ្វូងមនុស្សជិត 38,323 ដែលបានបង់ប្រាក់លើសពី 1,000 ដុល្លារហុងកុង (125 ដុល្លារ) ដើម្បីមើលកីឡាករលំដាប់ពិភពលោករូបនេះលេង ។ ដល់ពាក់កណ្តាលតង់ទីពីរ ក៏ការស្រែកថា “យើងចង់បាន Messi ចូលលេង” បានបន្លឺឡើងជុំវិញពហុកីឡាដ្ឋានហុងកុងពីអ្នកគាំទ្រ។ ការសំឡេងស្រែកឡើងក៏កាន់តែខ្លាំងឡើងក្នុងអំឡុងពេល ១០ នាទីចុងក្រោយនៅពេលដែលអ្នកគាំទ្រដឹងច្បាស់ថាម្ចាស់ពាន Ballon d’Or ប្រាំបីសម័យកាលរូបនេះនឹងមិនអាចចូលលេងបាន ។
រដ្ឋាភិបាលទីក្រុងហុងកុងបាននិយាយនៅក្នុងសេចក្តីថ្លែងការណ៍មួយថា គណៈកម្មាធិការព្រឹត្តិការណ៍កីឡា (MSEC) បានផ្តល់ជំនួយចំនួន 15 លានដុល្លារហុងកុង (1.92 លានដុល្លារ) សម្រាប់ព្រឹត្តិការណ៍នេះ រួមជាមួយនឹងជំនួយចំនួន 1 លានដុល្លារហុងកុង (127,854 ដុល្លារ) សម្រាប់កន្លែងប្រកួត។
“ទាក់ទងនឹង Messi មិនចូលប្រកួតថ្ងៃនេះ រដ្ឋាភិបាល ក៏ដូចជាអ្នកគាំទ្របាល់ទាត់ទាំងអស់មានការខកចិត្តយ៉ាងខ្លាំងចំពោះការរៀបចំរបស់អ្នករៀបចំ។ អ្នករៀបចំកម្មវិធីជំពាក់អ្នកគាំទ្របាល់ទាត់ទាំងអស់ជាការពន្យល់»។ MSEC នឹងចាត់វិធានការជាមួយអ្នករៀបចំដោយយោងតាមលក្ខខណ្ឌដែលរួមមានការកាត់បន្ថយថវិកាដែលជាលទ្ធផលដែល Messi មិនបានចូលរួមការប្រកួត ។
Al Jazeera
