កីឡាករបាល់ទាត់កូរ៉េខាងជើងប៉ះទង្គិចគ្នាជាមួយអាជ្ញាកណ្តាល ក្រោយចាញ់ក្រុមបាល់ទាត់ជប៉ុន ២-១ នៅ Asian Games

លោក Sin Yong Nam គ្រូបង្វឹកបាល់ទាត់របស់ប្រទេសកូរ៉េខាងជើងបានការពារកីឡាកររបស់គាត់បន្ទាប់ពីការប៉ះទង្គិចគ្នាជាមួយមន្ត្រីអាជ្ញាកណ្ដាលនៅលើទីលានបន្ទាប់ពីការបរាជ័យរបស់ពួកគេក្នុងលទ្ធផល ២ទល់នឹង១ ក្រោមស្នាដៃក្រុមជប៉ុនក្នុងការប្រកួត Asian Games វគ្គ 1/4 ផ្តាច់ព្រ័ត្រនៅទីក្រុង Hangzhou កាលពីថ្ងៃអាទិត្យ។

កីឡាករបាល់ទាត់កូរ៉េខាងជើងដែលពោរពេញដោយកំហឹងបានដេញតាមអាជ្ញាកណ្តាល លោក Rustam Lutfullin បន្ទាប់ពីធ្លាក់ចេញពីការប្រកួតកីឡាអាស៊ី ក្រោយចាញ់ក្រុមបាល់ទាត់ជប៉ុននៅបាល់ប៉េណាល់ទីចុងម៉ោង ។

អ្នកចាំទីកូរ៉េខាងជើង Kang Juh-yok បានតវ៉ាយ៉ាងខ្លាំងក្លា បន្ទាប់ពីគាត់ត្រូវបានពិន័យចំពោះការរុញខ្សែប្រយុទ្ធ Jun Nishikawa ក្នុងប្រអប់គ្រោះថ្នាក់ ។ ហើយការខឹងសម្បាររបស់កូរ៉េខាងជើងបានកើនឡើងនៅពេលដែលជប៉ុន Yuta Matsumura ទាត់បាល់បញ្ជូលទីនៅនាទីទី ៨០ ត្រឹមតែ ៦ នាទីប៉ុណ្ណោះបន្ទាប់ពីការទាត់បាល់បញ្ជូលទីពីចម្ងាយដោយកីឡាករកូរ៉េខាងជើង Kim Kuk-bom ។

ប្រធានក្រុមកូរ៉េខាងជើង Jang Kuk Chol និងមិត្តរួមក្រុម Kim Kyong Sok បានខឹងសម្បារជាមួយអាជ្ញាកណ្តាល Rustam Lutfullin បន្ទាប់ពីផ្លុំកញ្ចែបញ្ចប់ការប្រកួតដោយដេញតាមអាជ្ញាកណ្ដាលរូបនេះនៅកណ្តាលទីលាន ខណៈដែលគាត់ព្យាយាមថយក្រោយ ។

ជាមួយនឹងការប្រឈមមុខដាក់គ្នានៅក្នុងជំនួយការអាជ្ញាកណ្តាល និងបុគ្គលិកសន្តិសុខជាច្រើននាក់ គ្រូបង្វឹកជនជាតិកូរ៉េខាងជើងក៏បានរត់ទៅរកកីឡាកររបស់គាត់ដើម្បីព្យាយាមដោះស្រាយស្ថានការណ៍ ។

កូរ៉េខាងជើងបានឈ្នះការប្រកួតទាំងបួនរបស់ពួកគេ ដោយមិនបានរបូតគ្រាប់បាល់ទាល់តែសោះ ។ ជប៉ុនបានឈានទៅវគ្គពាក់កណ្តាលផ្តាច់ព្រ័ត្រដោយនឹងត្រូវជួបជាមួយហុងកុងដែលបានទម្លាក់ក្រុមអតីតម្ចាស់ជើងឯកអ៊ីរ៉ង់ ១-០ ។