admin

ក្រុមហ៊ុន PetroChina អាចនឹងលក់ភាគហ៊ុនរបស់ខ្លួននៅក្នុងគម្រោងឧស្ម័នធម្មជាតិនៅក្នុងប្រទេសអូស្ត្រាលី និងខ្សាច់ប្រេងនៅក្នុងប្រទេសកាណាដា នេះបើតាមការរាយការណ៍របស់ទីភ្នាក់ងារសារព័ត៌មាន Reuters កាលពីថ្ងៃអង្គារដោយដកស្រង់ប្រភពរបស់ខ្លួន ។ ក្រុមហ៊ុនចិននេះត្រូវបានគេរាយការណ៍ថាចង់កាត់បន្ថយការខាតបង់របស់ខ្លួន និងបង្វែរមូលនិធិទៅកាន់ទីតាំងនៅមជ្ឈិមបូព៌ា អាហ្វ្រិក និងអាស៊ីកណ្តាល ។  ក្រុមហ៊ុន PetroChina បានទិញក្រុមហ៊ុន Arrow Energy ក្នុងឆ្នាំ 2010 ក្នុងតម្លៃ $2.5 ពាន់លានដុល្លារតាមរយៈការបណ្តាក់ទុនរួមគ្នាជាមួយក្រុមហ៊ុន Shell ក្នុងការវិនិយោគលើកដំបូងរបស់ខ្លួននៅក្នុងវិស័យឧស្ម័នធ្យូងថ្មរបស់ប្រទេសអូស្ត្រាលី។...

ប្រទេសអេហ្ស៊ីបបាននាំចេញឥន្ធនៈទៅកាន់អារ៉ាប៊ីសាអូឌីត មុនពេលរុស្ស៊ីឈ្លានពានអ៊ុយក្រែន ដោយប្រទេសអារ៉ាប៊ីសាអូឌីតបច្ចុប្បន្ននេះកំពុងទទួលបានប្រេងឥន្ធនៈ 3.2 លានបារ៉ែល(ទិន្នន័យក្នុងខែមិថុនា)ពីប្រទេសអេហ្ស៊ីប នេះបើយោងតាមទិន្នន័យពី Vortex ដកស្រង់ដោយបណ្ដាញសារព័ត៌មាន Bloomberg ដែលជាចំនួនដ៏ខ្ពស់បំផុតក្នុងរយៈពេលប្រាំមួយឆ្នាំចុងក្រោយនេះ ។ ទន្ទឹមនឹងនេះដែរ ការនាំចូលប្រភពឥន្ធនៈរបស់ប្រទេសអេហ្ស៊ីបពីសំណាក់ប្រទេសរុស្ស៊ីកំពុងមានការកើនឡើងដល់ 1.8 លានបារ៉ែល ដែលជាចំនួនខ្ពស់បំផុតរាប់ចាប់តាំងពីឆ្នាំ 2016រៀងមក ។ ប្រភព ៖ Business Insider

មន្ត្រីក្នុងតំបន់បាននិយាយកាលពីថ្ងៃសុក្រថា មនុស្សយ៉ាងតិច១០នាក់បានស្លាប់ បន្ទាប់ពីការវាយប្រហារដោយមីស៊ីលទៅលើអគារស្នាក់នៅមួយកន្លែងក្នុងទីក្រុង Odessa ភាគខាងត្បូងប្រទេសអ៊ុយក្រែន ។ អ្នកនាំពាក្យរដ្ឋបាលយោធា Odessa លោក Sergei Bratchuk បាននិយាយថា "ចំនួនអ្នកស្លាប់នៅក្នុងការវាយប្រហារដោយមីស៊ីលនៃអគារស្នាក់នៅបានកើនឡើងដល់ 10 នាក់" ។ ការ​វាយ​ប្រហារ​ដោយ​មីស៊ីល​នៅ​តែ​បន្ត​បន្ទាប់​ពី​ការ​ឈ្លានពាន​របស់​រុស្ស៊ី​នៅ​អ៊ុយក្រែន​​ ហើយ​ទីបញ្ជាការ​ប្រតិបត្តិការ​របស់​កងទ័ព​អ៊ុយក្រែន​ខាង​ត្បូង​បាន​និយាយ​ថា​ការ​វាយ​ប្រហារ​ដោយ​មីស៊ីលនេះ​គឺបាញ់ចេញ​មក​ពី "យន្តហោះ​យុទ្ធសាស្ត្រ​ពី​សមុទ្រ​ខ្មៅ"។ ប្រភព ៖ AFP

រដ្ឋមន្ត្រីក្រសួងការពារជាតិអ៊ុយក្រែន លោក Oleksiy Reznikov មានប្រសាសន៍ថា សង្រ្គាមលោកលើកទី៣ បានចាប់ផ្តើមតាំងពីថ្ងទី២៤ ខែកុម្ភៈ ឆ្នាំ២០២២ មកម្លេះ ហើយអ៊ុយក្រែន គឺជាសមរភូមិដំបូងនៃសង្រ្គាមនេះ ។ ប្រសិនបើយើងចាញ់សង្គ្រាមនោះ សមរភូមិបន្ទាប់នៃសង្រ្គាមគឺបណ្ដាប្រទេសនៃទ្វីបអឺរ៉ុប ។ មេដឹកនាំណាតូក៏បានយល់ព្រមបង្កើនចំនួនកងទ័ពរបស់ពួកគេដល់ជាង 300,000 នាក់ ហើយដាក់ពួកគេឱ្យមានការប្រុងប្រយ័ត្នខ្ពស់ និងបង្កើនការការពារទ្វីបអឺរ៉ុបជាមួយនឹងកងកម្លាំងបន្ថែម អាវុធកាន់តែច្រើន កម្លាំងទ័ពអាកាស និងឧបករណ៍យោធាថ្មីៗ ។រដ្ឋមន្ត្រីការបរទេសអ៊ុយក្រែនបានផ្ញើសារទៅកាន់វិមានក្រឹមឡាំងថា...

ក្រសួងពាណិជ្ជកម្មចិនបាននិយាយកាលពីថ្ងៃព្រហស្បតិ៍ថា ប្រទេសចិនជំទាស់នឹងការដាក់ក្រុមហ៊ុនចិនចូលទៅក្នុងបញ្ជីខ្មៅដោយសហរដ្ឋអាម៉េរិក ហើយនឹងចាត់វិធានការចាំបាច់ដើម្បីការពារពួកគេ ។ រដ្ឋបាលរបស់ប្រធានាធិបតីអាម៉េរិក ចូ បៃដិន បានបន្ថែមក្រុមហ៊ុនចំនួនប្រាំនៅក្នុងប្រទេសចិនទៅក្នុងបញ្ជីខ្មៅពាណិជ្ជកម្ម កាលពីថ្ងៃអង្គារសម្រាប់ការចោទប្រកាន់ថា បានគាំទ្រដល់ឧស្សាហកម្មយោធា និងការពារជាតិរបស់រុស្ស៊ី ដោយបានពង្រីកសាច់ដុំរបស់ខ្លួនដើម្បីអនុវត្តទណ្ឌកម្មប្រឆាំងនឹងទីក្រុងម៉ូស្គូជុំវិញការឈ្លានពានអ៊ុយក្រែន ។ អ្នកនាំពាក្យក្រសួងពាណិជ្ជកម្មចិនលោកស្រី Shu Jueting បាននិយាយនៅក្នុងសន្និសីទសារព័ត៌មានថា ប្រទេសចិនសង្ឃឹមថា សហរដ្ឋអាម៉េរិកនឹងកែតម្រូវកំហុសរបស់ខ្លួនភ្លាមៗ និងបញ្ឈប់ការបង្រ្កាបលើក្រុមហ៊ុនចិន ។ ប្រភព ៖ CNA

Bloomberg បានរាយការណ៍ដោយដកស្រង់សម្ដីមន្រ្តីរបស់មន្ទីរបញ្ចកោណថា ការបាញ់សាកល្បងមីស៊ីលល្បឿនលឿនជាងសំឡេង បានបញ្ចប់ដោយការបរាជ័យនៅរដ្ឋហាវ៉ៃកាលពីថ្ងៃពុធ ។ ក្រសួងការពារជាតិអាម៉េរិកបានផ្តល់ព័ត៌មានលម្អិតមួយចំនួនអំពីអ្វីដែលបានកើតឡើង ដោយគ្រាន់តែបញ្ជាក់ថា "មានភាពមិនប្រក្រតីមួយបានកើតឡើង បន្ទាប់ពីការបញ្ឆេះសាកល្បង"។ អ្នកនាំពាក្យមន្ទីរបញ្ចកោណ មេបញ្ជាការកងទ័ពជើងទឹក លោក Tim Gorman បាននិយាយថា "មន្រ្តីនៃកម្មវិធីបាញ់សាកល្បងនេះបានចាប់ផ្តើមការពិនិត្យឡើងវិញ ដើម្បីរកពីមូលហេតុនៃភាពមិនប្រក្រតី ដើម្បីជូនជាដំណឹងដល់ការធ្វើតេស្តលើកក្រោយ " ។ គាត់បាននិយាយថា "ខណៈពេលនេះយើងមិនអាចប្រមូលទិន្នន័យទាំងមូលនៃទម្រង់ការហោះហើរដែលបានគ្រោងទុកនោះទេ ព័ត៌មានដែលប្រមូលបានពីព្រឹត្តិការណ៍នេះនឹងផ្តល់នូវការយល់ដឹងសំខាន់ៗបន្ថែមដល់យើង ។" ការសាកល្បងនេះបានសម្គាល់ការហោះហើរសាកល្បងលើកទីពីរដែលមិនបានជោគជ័យសោះនៃអាវុធគំរូដែលមានឈ្មោះថា...

អ្នកនាំពាក្យក្រសួងការបរទេសចិន លោក Zhao Lijian បាននិយាយកាលពីថ្ងៃពុធថា ក្រុមប្រទេស G7 គួរតែបញ្ឈប់ការបង្កាច់បង្ខូចដោយចេតនា និងធ្វើឱ្យប៉ះពាល់ដល់ប្រទេសចិន ឬការជ្រៀតជ្រែកយ៉ាងធ្ងន់ធ្ងរនៅក្នុងកិច្ចការផ្ទៃក្នុងរបស់ប្រទេសចិនក្នុងគ្រប់រូបភាព ។ លោក Zhao បានធ្វើការកត់សម្គាល់នៅពេលត្រូវបានស្នើសុំការអត្ថាធិប្បាយ បន្ទាប់ពីប្លុកនេះបានធ្វើការចោទប្រកាន់ដោយគ្មានមូលដ្ឋានលើប្រទេសចិនទាក់ទងនឹងបញ្ហាទាក់ទងនឹងហុងកុង ស៊ីនជាំង តៃវ៉ាន់ និងសមុទ្រចិនខាងកើត និង សមុទ្រចិនខាងត្បូងនៅក្នុងសេចក្តីថ្លែងការណ៍​ បន្ទាប់ពីកិច្ចប្រជុំកំពូលរយៈពេលបីថ្ងៃនៅទីក្រុង Elmau ប្រទេសអាល្លឺម៉ង់  ។ ប្រភព...

រដ្ឋាភិបាលអង់គ្លេសបាននិយាយកាលពីថ្ងៃពុធថា ចក្រភពអង់គ្លេសនឹងផ្តល់ជំនួយផ្នែកយោធាចំនួន 1 ពាន់លានផោន ឬស្មើនឹង (1.2 ពាន់លានដុល្លារ) បន្ថែមទៀតដល់អ៊ុយក្រែន ខណៈដែលអង្គការណាតូបានចាត់ទុកប្រទេសរុស្ស៊ីថាជា "ការគំរាមកំហែងដោយផ្ទាល់" ដ៏ធំបំផុតចំពោះសន្តិសុខលោកខាងលិច។ ជំនួយនេះនឹងឆ្ពោះទៅរកការបង្កើនសមត្ថភាពការពារជាតិរបស់អ៊ុយក្រែន រួមទាំងប្រព័ន្ធការពារដែនអាកាស យន្តហោះគ្មានមនុស្សបើក ឧបករណ៍សង្គ្រាមអេឡិចត្រូនិចថ្មី និងសម្ភារៈរាប់ពាន់សម្រាប់ទាហានអ៊ុយក្រែន។ នាយករដ្ឋមន្ត្រី Boris Johnson បាននិយាយនៅក្នុងសេចក្តីថ្លែងការណ៍មួយថា "អាវុធ បរិក្ខារ និងការហ្វឹកហ្វឺនរបស់ចក្រភពអង់គ្លេស កំពុងបង្កើនការការពាររបស់អ៊ុយក្រែនប្រឆាំងនឹងការវាយលុករបស់រុស្ស៊ី ហើយយើងនឹងបន្តឈរនៅពីក្រោយប្រជាជនអ៊ុយក្រែន...

អតីតទាហានអាម៉េរិកម្នាក់ដែលត្រូវបានចាប់ខ្លួននៅភាគខាងកើតអ៊ុយក្រែន បាននិយាយថា គាត់មិនបានបាញ់មួយគ្រាប់ឡើយ នៅពេលដែលគាត់កំពុងប្រយុទ្ធឱ្យភាគីអ៊ុយក្រែន គាត់បានធ្វើការអង្វរសុំឱ្យមានការបន្ធូរបន្ថយទោសពីសំណាក់អាជ្ញាធរបំបែកខ្លួនដែលគាំទ្រដោយរុស្ស៊ី ដែលនឹងកំណត់ជោគវាសនានៃជីវិតរបស់គាត់ ។ នៅក្នុងបទសម្ភាសន៍ជាវីដេអូជាមួយទីភ្នាក់ងារសារព័ត៌មានរដ្ឋ RIA របស់រុស្ស៊ីដែលបានចេញផ្សាយកាលពីថ្ងៃពុធ លោក Alexander Drueke បាននិយាយថា បទពិសោធន៍ប្រយុទ្ធរបស់គាត់នៅក្នុងប្រទេសអ៊ុយក្រែនត្រូវបានកំណត់ត្រឹមថ្ងៃដែលគាត់ត្រូវបានគេចាប់បាននៅខាងក្រៅទីក្រុង Kharkiv ដែលជាទីក្រុងធំទីពីររបស់អ៊ុយក្រែន ។ លោក Drueke មកពីទីក្រុង Tuscaloosa នៃរដ្ឋ Alabama និងមិត្តរួមជាតិអាម៉េរិក...

លោក ពូទីន ​ និយាយថា គ្មានបញ្ហាទេសម្រាប់រុស្ស៊ី ប្រសិនបើហ្វាំងឡង់ និងស៊ុយអែតចូលរួមជាមួយណាតូ ព្រោះប្រទេសទាំង២នេះមិនមានបញ្ហាជាមួយយើង ដូចយើងមានជាមួយអ៊ុយក្រែនទេ ។ ពួកយើងមិនមានការខ្វែងគំនិតគ្នាលើបញ្ហាទឹកដីដូច ដែលយើងមានជាមួយអ៊ុយក្រែនទេ ។   ប្រសិនបើហ្វាំងឡង់ និងស៊ុយអែតចង់ចូលរួមជាមួយណាតូ ពួកគេអាចចូលរួមបាន ។ នោះអាស្រ័យលើពួកគេ។ ពួកគេអាចចូលរួមអ្វីក៏បានតាមដែលពួកគេចង់បាន" ។ លោកពូទីនបានបន្តនិយាយថា "ប្រសិនបើសម្ពន្ធភាពយោធា និងហេដ្ឋារចនាសម្ព័ន្ធយោធាត្រូវបានដាក់ពង្រាយនៅទីនោះ យើងនឹងមានកាតព្វកិច្ចឆ្លើយតបប្រកបដោយភាពស៊ីមេទ្រីគ្នា...