ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានថ្លែងទៅកាន់ហ្វូងមនុស្សក្នុងប្រទេសដាណឺម៉ាកកាលពីថ្ងៃចន្ទថា ការសន្យាផ្តល់យន្តហោះចម្បាំង F-16 ផលិតដោយសហរដ្ឋអាម៉េរិកបានធ្វើឱ្យគាត់មានទំនុកចិត្តថា អ៊ុយក្រែនអាចបញ្ចប់ការឈ្លានពានរបស់រុស្ស៊ី ។ ខណៈប្រទេសដាណឺម៉ាក និងហូឡង់កាលពីថ្ងៃអាទិត្យបានប្រកាសថាពួកគេនឹងផ្គត់ផ្គង់យន្តហោះ F-16 ដំបូងដល់ប្រទេសអ៊ុយក្រែន ដោយចំនួនប្រាំមួយគ្រឿងដំបូងនឹងត្រូវដឹកជញ្ជូននៅឆ្នាំថ្មីនេះ ។
លោក ហ្សេលេនស្គី បានប្រាប់មនុស្សរាប់ពាន់នាក់ដែលបានប្រមូលផ្តុំគ្នានៅខាងក្រៅសភាប្រទេសដាណឺម៉ាកដើម្បីស្តាប់សុន្ទរកថារបស់លោកថា៖ ថ្ងៃនេះយើងមានទំនុកចិត្តថា រុស្ស៊ីនឹងចាញ់សង្គ្រាមនេះ ។
រុស្ស៊ីបានព្រមានមុននេះថា ការផ្គត់ផ្គង់យន្តហោះទៅឲ្យអ៊ុយក្រែននឹងធ្វើឲ្យសង្រ្គាមដែលអូសបន្លាយអស់រយៈពេលជិត ១៨ ខែកាន់តែតានតឹង។ កងកម្លាំងរុស្ស៊ីកំពុងកាន់កាប់ស្ទើរតែមួយភាគប្រាំនៃទឹកដីអ៊ុយក្រែន ហើយទីក្រុងគៀវ កំពុងប្រយុទ្ធយ៉ាងស្វិតស្វាញក្នុងការរុញច្រានពួកគេចេញពីទឹកដីរបស់ខ្លួន។
ប្រទេសដាណឺម៉ាកនឹងបញ្ជូនយន្តហោះសរុបចំនួន ១៩ គ្រឿងទៅឲ្យអ៊ុយក្រែន ខណៈប្រទេសហូឡង់មានយន្តហោះ F-16 ចំនួន ៤២ គ្រឿង ប៉ុន្តែមិនទាន់សម្រេចចិត្តថាតើយន្តហោះទាំងអស់នឹងត្រូវបានបរិច្ចាគដែរឬអត់នោះទេ ។ អានបន្ត
Reuters
