នាយករដ្ឋមន្រ្តីនៃប្រទេសទាំងពីររបស់អង្គការណាតូបានប្រកាសកាលពីថ្ងៃអាទិត្យក្នុងអំឡុងពេលបំពេញទស្សនកិច្ចរបស់ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គីថា ប្រទេសហូឡង់ និងដាណឺម៉ាកនឹងផ្គត់ផ្គង់យន្តហោះចម្បាំង F-16 ដល់អ៊ុយក្រែនជាមួយនឹងការចែកចាយលើកដំបូងក្នុងអំឡុងបុណ្យឆ្លងឆ្នាំថ្មី ។
ការសន្យានេះគឺជាការសន្យាពិតប្រាកដដំបូងនៃយន្តហោះ F-16 សម្រាប់កងកម្លាំងប្រដាប់អាវុធរបស់អ៊ុយក្រែន ហើយកើតឡើងប៉ុន្មានថ្ងៃបន្ទាប់ពីសហរដ្ឋអាម៉េរិកបានយល់ព្រមលើការប្រគល់យន្តហោះចម្បាំងដែលអាចធ្វើទៅបានដោយប្រទេសទាំងពីរ ។
នាយករដ្ឋមន្ត្រីដាណឺម៉ាក លោក Mette Frederiksen បាននិយាយថា ប្រទេសដាណឺម៉ាកនឹងផ្តល់យន្តហោះសរុបចំនួន ១៩ គ្រឿងដល់អ៊ុយក្រែន ដោយយន្តហោះចំនួន ៦ គ្រឿងដំបូងនឹងត្រូវដឹកជញ្ជូនទៅកាន់ប្រទេសអ៊ុយក្រែនក្នុងអំឡុងបុណ្យឆ្លងឆ្នាំថ្មី បន្ទាប់មកចំនួន ៨ គ្រឿងនៅឆ្នាំ ២០២៤ និង ៥ គ្រឿងនៅឆ្នាំបន្ទាប់។
ចំណែកនាយករដ្ឋមន្ត្រីហូឡង់ លោក Mark Rutte បាននិយាយថា ប្រទេសហូឡង់មានយន្តហោះ F-16 ទាំងអស់ ចំនួន ៤២ គ្រឿង ប៉ុន្តែមិនទាន់សម្រេចចិត្តថាតើពួកគេទាំងអស់នឹងត្រូវបានបរិច្ចាគឬយ៉ាងណានោះទេ ។
លោកប្រធានាធិបតី ហ្សេលេនស្គី បានថ្លែងអំណរគុណហើយថា យន្តហោះទាំងនេះនឹងជួយពង្រឹងការការពារដែនអាកាសរបស់អ៊ុយក្រែន និងជួយទប់ទល់នឹងការឈ្លានពានរបស់រុស្ស៊ីនៅឆ្នាំ ២០២២ ។
Reuters
