កងកម្លាំងសហរដ្ឋអាម៉េរិក និងអង់គ្លេសបានបើកការវាយប្រហារជាថ្មីប្រឆាំងនឹងគោលដៅជាច្រើនរបស់ក្រុមហ៊ូធីនៅក្នុងប្រទេសយេម៉ែនកាលពីថ្ងៃសៅរ៍ ដែលជាសកម្មភាពយោធាចុងក្រោយប្រឆាំងនឹងក្រុមដែលមានទំនាក់ទំនងជាមួយអ៊ីរ៉ង់ដែលបន្តវាយប្រហារនាវាដឹកជញ្ជូននៅក្នុងតំបន់។
សហរដ្ឋអាម៉េរិកបានធ្វើការវាយប្រហារស្ទើរជារៀងរាល់ថ្ងៃលើទីតាំងរបស់ក្រុមហ៊ូធីដែលគ្រប់គ្រងផ្នែកដែលមានប្រជាជនច្រើនជាងគេក្នុងប្រទេសយេម៉ែន ហើយបាននិយាយថា ការវាយប្រហាររបស់ពួកគេលើការដឹកជញ្ជូនគឺនៅក្នុងសាមគ្គីភាពជាមួយប៉ាឡេស្ទីន នៅពេលដែលអ៊ីស្រាអែលវាយប្រហារតំបន់ហ្គាហ្សា ។
សេចក្តីថ្លែងការណ៍រួមពីបណ្តាប្រទេសដែលបានចូលរួមនៅក្នុងការវាយប្រហារបាននិយាយថា សកម្មភាពយោធាគឺប្រឆាំងនឹងគោលដៅរបស់ក្រុមហ៊ូធីចំនួន ១៨ នៅទូទាំងទីតាំងចំនួន ៨ ក្នុងប្រទេសយេម៉ែន រួមទាំងកន្លែងផ្ទុកអាវុធក្រោមដី និងកន្លែងផ្ទុកមីស៊ីល ប្រព័ន្ធការពារដែនអាកាស រ៉ាដា និងឧទ្ធម្ភាគចក្រមួយ ។ ការវាយប្រហារនេះត្រូវបានគាំទ្រដោយប្រទេសអូស្ត្រាលី បារ៉ែន កាណាដា ដាណឺម៉ាក ហូឡង់ និងនូវែលសេឡង់។
ទូរទស្សន៍ Al Masirah TV ជាទូរទស្សន៍ដែលគ្រប់គ្រងដោយចលនាហ៊ូធីបាននិយាយកាលពីថ្ងៃសៅរ៍ថា កងកម្លាំងសហរដ្ឋអាម៉េរិក និងចក្រភពអង់គ្លេសបានធ្វើការវាយប្រហារជាបន្តបន្ទាប់នៅក្នុងរដ្ឋធានីសាណា ។ ការវាយឆ្មក់ជាថ្មីនេះគឺជា ការប៉ុនប៉ងដ៏អាក្រក់មួយដើម្បីរារាំងប្រទេសយេម៉ែនពីការផ្តល់នូវប្រតិបត្តិការគាំទ្រដល់ប្រជាជនប៉ាឡេស្ទីននៅក្នុងតំបន់ហ្គាហ្សា ។
Reuters
