កម្មវិធី Threads របស់ក្រុមហ៊ុន Meta Platforms ដែលរហូតមកដល់ពេលនេះត្រូវបានរចនាឡើងសម្រាប់ទូរសព្ទដៃប៉ុណ្ណោះ គ្រោងនឹងចាប់ផ្តើមបញ្ចេញគេហទំព័រនៃកម្មវិធី Threads របស់ខ្លួននៅដើមសប្តាហ៍ក្រោយនេះ នេះបើតាមកាសែត Wall Street Journal បានរាយការណ៍កាលពីថ្ងៃអាទិត្យដោយលើកឡើងពីមនុស្សដែលដឹងពីបញ្ហានេះ ។
Threads បានបង្កើតកំណត់ត្រាសម្រាប់កំណើនអ្នកប្រើប្រាស់ ចាប់តាំងពីការបើកដំណើរការរបស់វា ដោយមានតារាល្បីៗ អ្នកនយោបាយ និងអ្នកសារព័ត៌មានផ្សេងទៀតចូលរួមប្រើប្រាស់វេទិកានេះ ដែលត្រូវបានអ្នកវិភាគមើលឃើញថាជាការគំរាមកំហែងធ្ងន់ធ្ងរដំបូងបង្អស់ចំពោះកម្មវិធី microblogging ដែលគ្រប់គ្រងដោយ Elon Musk ។
ការដំណើរការរបស់កម្មវិធីនេះបានទាក់ទាញអ្នកប្រើប្រាស់ ១០០ លាននាក់បានយ៉ាងលឿនគឺលឿនជាងកម្មវិធី ChatGPT ដែលគ្រប់គ្រងដោយ OpenAIទៅទៀត ។ ប៉ុន្តែមួយខែក្រោយមកចំនួនអ្នកប្រើប្រាស់សកម្មប្រចាំថ្ងៃនៅលើ Threads បានធ្លាក់ចុះមកនៅក្រោម ១០ លាននាក់ ធ្លាក់ចុះពីកម្រិតខ្ពស់បំផុត នេះបើយោងតាមទិន្នន័យដែលបានដកស្រង់ដោយ Wall Street Journal ។ កាសែតនេះបាននិយាយថាតួលេខដែលបានមកពីក្រុមហ៊ុនវិភាគ SimilarWeb ក៏បានបង្ហាញផងដែរថាពេលវេលាដែលបានមនុស្សចំណាយលើកម្មវិធី Threads បានធ្លាក់ចុះជាង ៨៥% ។
Reuters
