អាជីពបាល់ទាត់របស់ Cristiano Ronaldo កំពុងស្ថិតក្នុងភាពមិនច្បាស់លាស់ បន្ទាប់ពីព័រទុយហ្គាល់ចាញ់ម៉ារ៉ុក ១-០។
Ronaldo វ័យ 37 ឆ្នាំ ដែលជាកីឡាករដ៏អស្ចារ្យបំផុតម្នាក់នៅក្នុងពិភពបាល់ទាត់ មិនដែលឈ្នះ World Cup បន្ទាប់ពីការខកចិត្តជាប្រវត្តិសាស្ត្ររបស់ព័រទុយហ្គាល់ពីការចាញ់ម៉ារ៉ុកកាលពីយប់ថ្ងៃសៅរ៍ក្នុងប្រទេសកាតា ។
នៅពេលដែលកីឡាកររបស់ម៉ារ៉ុករត់ចូលទីលានដោយភាពរីករាយ ដោយធ្វើឱ្យពហុកីឡដ្ឋាន Al Thumama ក្នុងប្រទេសកាតាមានសំឡេងហូរកញ្ជ្រៀវ និងមានការប្រារព្ធពិធីអបអរនៅទូទាំងទ្វីបអាហ្រ្វិក និងពិភពអារ៉ាប់ ប៉ុន្តែកាមេរ៉ាបានបែរយ៉ាងលឿនតម្រង់ទៅកាន់ប្រធានក្រុមព័រទុយហ្គាល់។
Ronaldo បានដើរចេញពីទីលានយ៉ាងប្រញាប់ប្រញាល់ និងបានសម្លឹងមើលទៅកាន់ហ្វូងមនុស្សជាលើកចុងក្រោយ មុននឹងយកដៃខ្ទប់មុខទាំងខកចិត្ត ។ គួរកត់សម្គាល់ថា គាត់បានចេញពីទីលានដោយមិនអមដោយមិត្តរួមក្រុម ជាក់ស្តែងដូចជាស្រក់ទឹកភ្នែក ខណៈដែលគាត់ដើរកាត់អ្នកសារព័ត៌មាន អ្នកកាមេរ៉ា និងបុគ្គលិករបស់ FIFA ឆ្ពោះទៅបន្ទប់សំលៀកបំពាក់ជនជាតិព័រទុយហ្គាល់ ។ Ronaldo នៅមិនទាន់ធ្វើអត្ថាធិប្បាយអំពីអនាគតរបស់គាត់នៅឡើយទេ ។
ប្រសិនបើអាជីពបាល់ទាត់របស់គាត់ពិតជាបញ្ចប់នៅក្នុងប្រទេសកាតាមែន នោះវានឹងជាការរឿងដ៏ជូរចត់បំផុតមួយចំពោះអាជីពជារឿងព្រេងនិទានរបស់កីឡាករព័រទុយហ្គាល់ ។
ពេលវេលាដ៏ល្អបំផុតរបស់ Ronaldo នៅក្នុងការប្រកួត នៅពេលដែលគាត់បានក្លាយជាកីឡាករតែមួយគត់ក្នុងប្រវត្តិសាស្ត្រដែលស៊ុតបញ្ចូលទីបានមួយគ្រាប់ក្នុងការប្រកួត World Cup ចំនួន 5 ដងផ្សេងៗពីគ្នា ដែលពិភពលោកប្រាកដជានឹងចងចាំអស់ជាច្រើនជំនាន់ ។
Ronaldo កាន់កាប់កំណត់ត្រាពិភពលោកជាអ្នករកគ្រាប់បាល់បានច្រើនជាងគេសម្រាប់ក្រុមជម្រើសជាតិជាមួយនឹងគ្រាប់បាល់អន្តរជាតិចំនួន ១១៨ ក្នុងការប្រកួត ១៩៦ ដែលគាត់បានលេង ។ គាត់ក៏ជាឈ្នះ Ballon d’Or ប្រាំដងផងដែរ ជាអ្នកទទួលស្បែកជើងមាសអឺរ៉ុប 4 ដង និងមានពានរង្វាន់លីគកំពូលអឺរ៉ុបជាច្រើនដងជាមួយក្រុមReal Madrid, Juventus, Manchester United ។
ក្នុងខែតុលា គាត់បានស៊ុតបញ្ចូលទីគ្រាប់ទី 700 នៃអាជីពក្លឹបរបស់គាត់សម្រាប់ Manchester United ដែលជាស្នាដៃដែលមិនអាចប្រៀបផ្ទឹមបានសម្រាប់កីឡាករម្នាក់ដែលបានចាប់ផ្តើមអាជីពរបស់គាត់ជាមួយ Real Madrid ក្នុងឆ្នាំ 2003 ។
ទោះបីជាយ៉ាងណាក៏ដោយ ការប្រកួតបាល់ទាត់ពិភពលោកឆ្នាំ 2022 គឺច្បាស់ណាស់ថា វាជា rollercoaster នៃការឡើងចុះសម្រាប់អាជីពបាល់ទាត់របស់គាត់ ។
ការប្រកួតរបស់គាត់ទល់នឹងក្រុមម៉ារ៉ុកកាលថ្ងៃម្សិលមិញ នៅពេលដែលសំឡេងកញ្ចែបញ្ចប់ការប្រកួតបន្លឺឡើង Ronaldo បានស្រក់ទឹកភ្នែករលីងរលោង ដោយសារការចាញ់ម៉ារ៉ុក និងបានដេកនៅលើទីលានទាំងសោកសៅ ។
Ronaldo បានជួបនឹងភាពចម្រូងចម្រាសទាំងក្នុង និងក្រៅទីលានក្នុងរយៈពេលពីរទសវត្សរ៍ចុងក្រោយនេះ ប៉ុន្តែឥឡូវនេះគាត់អាចនឹងឈានចូលដំណាក់កាលដ៏លំបាកបំផុតក្នុងអាជីពបាល់ទាត់របស់គាត់ ។
ប្រភព ៖
Al Jazeera
