រដ្ឋមន្ត្រីការបរទេសអាម៉េរិកលោក Antony Blinken បានអំពាវនាវដល់មេដឹកនាំចិនលុបចោលការទាមទារលើដែនអធិបតេយ្យភាពក្នុងសមុទ្រចិនខាងត្បូង និងទទួលយកការសម្រេចទឹកដីកាលពីឆ្នាំ 2016 ដើម្បីគាំទ្រដល់ហ្វីលីពីន ។
សហរដ្ឋអាម៉េរិកក៏បានសន្យាថា ខ្លួននឹងធ្វើការឆ្លើយតបដោយកម្លាំងយោធាប្រសិនបើចិនធ្វើ ការវាយប្រហារលើប្រទេសកោះនេះ ។
នៅក្នុងសេចក្តីថ្លែងការណ៍មួយដែលបានចេញផ្សាយកាលពីថ្ងៃអង្គារដោយស្ថានទូតអាម៉េរិកនៅទីក្រុងម៉ានីល លោក Blinken បាននិយាយថា ប្រទេសចិនត្រូវតែ “គោរពតាមកាតព្វកិច្ចរបស់ខ្លួនក្រោមច្បាប់អន្តរជាតិ និងបញ្ឈប់អាកប្បកិរិយាបង្កហេតុរបស់ខ្លួន” នៅក្នុងសមុទ្រចិនខាងត្បូង ដោយលើកឡើងពីការសម្រេចចិត្តមុនរបស់តុលាការក្រុងឡាអេ ដែលបានច្រានចោលការអះអាងរបស់ទីក្រុងប៉េកាំងទៅកាន់តំបន់សមុទ្រចិនខាងត្បូង ។
លោកបានបន្តទៀតថា រាល់ការវាយប្រហារលើហ្វីលីពីន នាវាចម្បាំង ឬយន្តហោះចម្បាំងរបស់អាម៉េរិកនៅសមុទ្រចិនខាងត្បូង នឹងប្តេជ្ញាការពារហ្វីលីពីន ក្រោមសន្ធិសញ្ញាឆ្នាំ 1951 ដោយទទូចថាសមុទ្រត្រូវតែនៅសេរី និងបើកចំហ ។
ប្រភព ៖ RT