អ៊ុយក្រែនចង់បង្កើតគណៈកម្មការពិសេសមួយដើម្បីគ្រប់គ្រងការប្រើប្រាស់អាវុធដែលផ្តល់ដល់អ៊ុយក្រែនដោយលោកខាងលិចកុំឲ្យធ្លាក់ទៅក្នុងទីផ្សារងងឹត!!

ប្រធានការិយាល័យប្រធានាធិបតីអ៊ុយក្រែនលោក Andriy Yermak បានស្នើកាលពីថ្ងៃព្រហស្បតិ៍ ដើម្បីបង្កើតគណៈកម្មការពិសេសមួយដើម្បីគ្រប់គ្រងការប្រើប្រាស់អាវុធដែលផ្តល់ដល់អ៊ុយក្រែនដោយលោកខាងលិច។

លោក Yermak បានសរសេរនៅក្នុង Telegram របស់គាត់ថា “ខ្ញុំចង់ស្នើទៅសភានៃប្រទេសអ៊ុយក្រែន ដើម្បីពិចារណានូវគំនិតដ៏សំខាន់មួយ ។ បើតាមប្រធានការិយាល័យប្រធានាធិបតី សភាគួរតែចូលរួមក្នុងការគ្រប់គ្រងអាវុធជាចម្បងក្នុងនាមជាស្ថាប័ននីតិប្បញ្ញត្តិ។
កាលពីដើមសប្តាហ៍នេះ សមាជិកនៃក្រុម Hacker រុស្ស៊ី RaHDIt បានប្រាប់ Sputnik ក្នុងលក្ខខណ្ឌមិនបញ្ចេញឈ្មោះថា ចារកម្មអ៊ុយក្រែនកំពុងសហការជាមួយឧក្រិដ្ឋជន និងអ្នករត់ពន្ធ ដើម្បីលក់អាវុធដែលផ្តល់ដោយលោកខាងលិចនៅលើទីផ្សារងងឹត ។ ក្រុមប្រឹក្សាសន្តិសុខ និងការពារជាតិអ៊ុយក្រែន បានច្រានចោលការចោទប្រកាន់ថា សព្វាវុធដែលផ្គត់ផ្គង់ដោយប្រទេសលោកខាងលិច បានធ្លាក់ទៅក្នុងទីផ្សារខ្មៅ នៅអឺរ៉ុប ។
ការិយាល័យសន្តិសុខសេដ្ឋកិច្ចអ៊ុយក្រែននៅដើមខែកក្កដាបានទទួលស្គាល់ថា ខ្លួនបានកំណត់ករណីនៃការលក់ជំនួយមនុស្សធម៌ និងជំនួយយោធាដែលផ្គត់ផ្គង់ដោយប្រទេសលោកខាងលិច ។ ករណីព្រហ្មទណ្ឌប្រមាណជា១០ ត្រូវបានកើតឡើងជុំវិញឧប្បត្តិហេតុបែបនេះ ។ ក្រោយមក តំណាងរាស្រ្តអ៊ុយក្រែនបានអំពាវនាវឱ្យសភាអាម៉េរិកបង្កើតយន្តការសម្រាប់ការត្រួតពិនិត្យជំនួយអាម៉េរិកដែលបញ្ជូនមកអ៊ុយក្រែន ។