លោក Yury Borisov ប្រធានទីភ្នាក់ងារអវកាសរុស្ស៊ី Roscosmos បានប្រកាសថា មីស៊ីលផ្លោងអន្តរទ្វីប Sarmat ដែលជាអាវុធនុយក្លេអ៊ែរដែលមានសមត្ថភាពបំផុតរបស់រុស្ស៊ី ត្រូវបានអនុម័តសម្រាប់បំពេញកាតព្វកិច្ចហើយ ។ សព្វាវុធនេះត្រូវបានគេជឿថាជាអាវុធរយៈចម្ងាយឆ្ងាយ និងជាអាវុធធុនធ្ងន់បំផុតនៅក្នុងឃ្លាំងអាវុធនុយក្លេអ៊ែររុស្ស៊ី ។ ដំណាក់កាលសាកល្បងចុងក្រោយរបស់វាត្រូវបានរាយការណ៍កាលពីឆ្នាំមុន ។
មីស៊ីលនេះត្រូវបានប៉ាន់ប្រមាណថា អាចធ្វើដំណើរបានយ៉ាងហោចណាស់ ១១,០០០ គីឡូម៉ែត្រដែលអាចផ្ទុកបន្ទុកមានទម្ងន់ប្រហែល ១០ តោន។ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានសរសើរ Sarmat ថាមានសមត្ថភាពខ្ពស់ក្នុងការកម្ចាត់ប្រព័ន្ធមីស៊ីលប្រឆាំងមីស៊ីល ជាពិសេសព្រោះវាអាចបាញ់បានតាមទិសដៅផ្សេងៗ ។
RT
