សភាតំណាងរាស្រ្តអាម៉េរិកកាលពីថ្ងៃសៅរ៍បានអនុម័តកញ្ចប់ជំនួយចំនួន ៩៥ ពាន់លានដុល្លារដែលផ្តល់ជំនួយផ្នែកសន្តិសុខដល់អ៊ុយក្រែន អ៊ីស្រាអែល និងតៃវ៉ាន់ ដោយបញ្ចប់ភាពជាប់គាំងរយៈពេលប្រាំមួយខែក្នុងអំឡុងពេលដែលឃ្លាំងស្តុកអាវុធរបស់អ៊ុយក្រែនបានធ្លាក់ចុះនៅក្នុងសង្គ្រាមប្រឆាំងនឹងរុស្ស៊ី។
ប្រធានសភាលោក Mike Johnson បានធ្វើការជាមួយគណបក្សប្រជាធិបតេយ្យ និងបានយកឈ្នះលើការជំទាស់យ៉ាងខ្លាំងក្លាពីក្នុងគណបក្សសាធារណរដ្ឋរបស់គាត់ក្នុងការផ្តល់មូលនិធិដល់ប្រទេសអ៊ុយក្រែន ជាមួយនឹងការអនុម័តលើការបោះឆ្នោតគាំទ្រ ៣១១ ទល់នឹង ១១២ ប្រឆាំង ។ ច្បាប់នេះត្រូវការឆ្លងកាត់ព្រឹទ្ធសភាមួយតង់ទៀតដែលត្រូវបានគេរំពឹងថានឹងអនុម័តកញ្ចប់នេះនៅសប្តាហ៍ក្រោយ។
ច្បាប់ថវិកានេះនឹងផ្តល់ជំនួយ ៦០,៨៤ ពាន់លានដុល្លារដើម្បីគាំទ្រអាវុធដល់ជម្លោះនៅអ៊ុយក្រែន រួមទាំង ២៣ ពាន់លានដុល្លារដើម្បីបំពេញបន្ថែមអាវុធ ស្តុក និងសម្ភារៈរបស់សហរដ្ឋអាម៉េរិក ២៦ពាន់លានដុល្លារសម្រាប់អ៊ីស្រាអែល រួមទាំង ៩,១ ពាន់លានដុល្លារសម្រាប់តម្រូវការមនុស្សធម៌ និង ៨,១២ ពាន់លានដុល្លារសម្រាប់ឥណ្ឌូប៉ាស៊ីហ្វិក រួមទាំងតៃវ៉ាន់ផងដែរក្នុងគោលបំណងបញ្ចៀសការឈ្លានពានរបស់ចិនប្រឆាំងនឹងតៃវ៉ាន់ ។
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានអបអរដល់ការអនុម័តនេះ ខណៈអ្នកនាំពាក្យរបស់ប្រធានាធិបតីរុស្ស៊ីបានរិះគន់ជំនួយថ្មីនេះ។
Bloomberg
