សហរដ្ឋអាម៉េរិកបានផ្ទេរអាវុធរាប់ពាន់ដើមទៅកាន់អ៊ុយក្រែន និងគ្រាប់ជាង ៥០០,០០០ គ្រាប់ដែលត្រូវបានរឹបអូសបានពីអ៊ីរ៉ង់កាលពីជាងមួយឆ្នាំមុន ខណៈដែលពួកវាកំពុងត្រូវបានបញ្ជូនដោយអ៊ីរ៉ង់ទៅកាន់កងកម្លាំង Houthi ក្នុងប្រទេសយេម៉ែន។
យោធាអាម៉េរិកបាននិយាយថា ការផ្ទេរនេះត្រូវបានធ្វើឡើងនៅថ្ងៃទី ៤ ខែមេសា ដែលជាជំនួយយោធាចុងក្រោយបំផុតដែលរដ្ឋបាលរបស់ប្រធានាធិបតីអាម៉េរិក បៃដិន បានផ្តល់ដល់ទីក្រុងគៀវ ។
ការបង្ហោះនៅលើវេទិកាប្រព័ន្ធផ្សព្វផ្សាយសង្គម X បញ្ជាការកណ្តាលរបស់សហរដ្ឋអាម៉េរិក (CENTCOM) បាននិយាយថា កាំភ្លើង AK-47 ជាង ៥,០០០ ដើម កាំភ្លើងយន្ត កាំភ្លើងលបបាញ់ ក៏ដូចជាគ្រាប់ជាង ៥០០,០០០ គ្រាប់ត្រូវបានផ្ទេរទៅឲ្យអ៊ុយក្រែនប្រើប្រាស់ ។ CENTCOM បានបន្ថែមថា គ្រាប់រំសេវនេះត្រូវបានរឹបអូសពីនាវាចំនួនបួនដែលស្ទាក់ចាប់ដោយនាវាកងទ័ពជើងទឹកអាម៉េរិក និងកងកម្លាំងដៃគូ ដែលមិនត្រូវបានស្គាល់អត្តសញ្ញាណ ចន្លោះពីថ្ងៃទី ២២ ខែឧសភា ឆ្នាំ ២០២១ ដល់ថ្ងៃទី ១៥ ខែកុម្ភៈ ឆ្នាំ ២០២៣ ។
Al Jazzera
