អ្នកវិភាគផ្នែកទីផ្សារបានព្យាករណ៍ថា ផែនការរបស់ប្រទេសចិនក្នុងការពង្រីកការប្រើប្រាស់រូបិយប័ណ្ណរបស់ខ្លួនសម្រាប់ការជួញដូរប្រេងជាមួយបណ្តាប្រទេសមជ្ឈិមបូព៌ាចំនួនប្រាំមួយនឹងបង្កើនការប្រើប្រាស់ប្រាក់យន់ក្នុងពាណិជ្ជកម្មពិភពលោកក្នុងចំណោមបណ្តាប្រទេសជាមិត្ត និងពាណិជ្ជករនាពេលអនាគតដែលទាក់ទាញដោយអត្រាប្តូរប្រាក់ឲ្យមានស្ថិរភាព ។
ប៉ុន្តែប្រសិនបើចិនអាចនាំឱ្យមានកិច្ចព្រមព្រៀងសម្រាប់ការប្រើប្រាក់យន់សម្រាប់ទិញប្រេងបានកាន់តែច្រើន ដូច្នេះចិនអាចទិញឥន្ធនៈដោយគ្មានការអន្តរាគមន៍ពីសហរដ្ឋអាម៉េរិក អ្នកជំនាញនិយាយថាការផ្លាស់ប្តូរនេះនឹងមិនទូទាត់ការប្រើប្រាស់ប្រេងឥន្ធនៈឬជំរុញការប្រើប្រាស់ប្រាក់យន់នៅខាងក្រៅទីផ្សារថាមពលនោះទេ។
លោក Zhao Xijun ព្រឹទ្ធបុរសរងនៃសាលាហិរញ្ញវត្ថុនៃសាកលវិទ្យាល័យ Renmin ក្នុងទីក្រុងប៉េកាំងបាននិយាយថា “ប្រទេសចិន និងមជ្ឈិមបូព៌ាកាលពីអតីតកាលបានប្រើប្រាស់ប្រាក់ដុល្លារអាម៉េរិកជារូបិយប័ណ្ណរយៈពេលវែងរបស់ពួកគេ” ។ “ប៉ុន្តែប្រឈមមុខនឹងភូមិសាស្ត្រនយោបាយ និងការដាក់ទណ្ឌកម្មរបស់សហរដ្ឋអាម៉េរិកក្នុងវិស័យហិរញ្ញវត្ថុ ដូច្នេះប្រទេសមួយចំនួនកំពុងពិចារណាថាតើពួកគេអាចប្រើប្រាស់រូបិយប័ណ្ណផ្សេងទៀតដើម្បីទូទាត់គណនីប្រេង និងឧស្ម័នដែរឬទេ” ។
លោក Zhao បាននិយាយថា ចំនួននៃកិច្ចព្រមព្រៀងប្រាក់យន់គួរតែកើនឡើង ពីព្រោះប្រទេសចិនជាអ្នកទិញប្រេងធំបំផុតរបស់ពិភពលោកនឹងស្នើសុំឱ្យអ្នកនាំចេញប្រេងប្រើប្រាស់រូបិយប័ណ្ណរបស់ខ្លួនដើម្បីធ្វើពាណិជ្ជកម្ម ។ លោកបាននិយាយថា ផ្នែកផ្សេងទៀតនៃពិភពលោកនឹងចាប់ផ្ដើមធ្វើរឿងនេះដូចគ្នា ប្រសិនបើនីតិវិធីផ្លាស់ប្តូរទៅប្រើប្រាស់ប្រាក់យន់មានភាពងាយស្រួល ហើយរូបិយប័ណ្ណចិនត្រូវបានចាត់ទុកថា “មានសុវត្ថិភាព” ជាងប្រាក់ដុល្លារ ។
ប្រធានាធិបតីចិនលោក ស៊ី ជីនពីង បានស្នើកាលពីសប្តាហ៍មុននៅឯកិច្ចប្រជុំកំពូលចិន-អារ៉ាប់ ដើម្បីជំរុញការប្រើប្រាស់ប្រាក់យន់ដើម្បីទិញប្រេង និងឧស្ម័ន ។
ប្រភព ៖
South china Morning Post
