ផលិតផលក្នុងស្រុកសរុបរបស់ប្រទេសអារ៉ាប៊ីសាអូឌីតបានកើនឡើងដល់ 8.8% ប្រចាំឆ្នាំនៅក្នុងត្រីមាសទី 3 ដោយធ្វើឲ្យព្រះរាជាណាចក្រដែលសម្បូរដោយប្រេងមួយនេះស្ថិតនៅលើផ្លូវឱ្យក្លាយជាប្រទេសដែលមានកំណើនសេដ្ឋកិច្ចលឿនបំផុតក្នុងចំណោមក្រុមសេដ្ឋកិច្ចជឿនលឿនទាំង 20 (G20) នៅឆ្នាំនេះ។
ទិន្នន័យពីអាជ្ញាធរទូទៅសម្រាប់ស្ថិតិបានបង្ហាញនៅថ្ងៃអាទិត្យនេះថា តួលេខចុងក្រោយគឺខ្ពស់ជាងការប៉ាន់ប្រមាណបឋមចំនួន 8.6% ដោយសារតែការពង្រីកបន្ថែមទៀតនៅក្នុងសេដ្ឋកិច្ចមិនមែនប្រេង ។ គ្រប់វិស័យទាំងអស់បានបង្ហាញពីកំណើនប្រចាំឆ្នាំជាវិជ្ជមាន ។
អារ៉ាប៊ីសាអូឌីត បាននិយាយកាលពីមុនថា ខ្លួនរំពឹងថានឹងមានកំណើនសេដ្ឋកិច្ច 8.5% ពេញមួយឆ្នាំក៏ដូចជាអតិរេកថវិកាដំបូងរបស់ខ្លួនក្នុងរយៈពេលជិតមួយទសវត្សរ៍ ។
តួលេខនេះបង្ហាញពីរង្វាស់នៃភាពជោគជ័យនៅក្នុងការជំរុញរបស់ព្រះអង្គម្ចាស់ Mohammed bin Salman ដើម្បីធ្វើពិពិធកម្ម និងបើកចំហសេដ្ឋកិច្ចរបស់អ្នកនាំចេញប្រេងឆៅដ៏ធំបំផុតរបស់ពិភពលោក មហិច្ឆតាដែលមួយផ្នែកលើសមត្ថភាពរបស់អារ៉ាប៊ីសាអូឌីតក្នុងការទទួលបានដើមទុនបន្ថែមពីក្រៅប្រទេស ។
ប្រភព ៖
Bloomberg
