សេវាសង្គ្រោះបន្ទាន់បាននិយាយថា អាងចិញ្ចឹមត្រីមួយក្នុងទីក្រុងប៊ែកឡាំង ដែលជាជម្រករបស់ត្រីកម្រនិងអសកម្មប្រហែល 1,500 ក្បាលបានផ្ទុះកាលពីព្រឹកថ្ងៃសុក្រ ដោយបានហៀរទឹក និងកំទេចកំទីចំនួន 1 លានលីត្រ ទៅលើផ្លូវធំមួយក្នុងសង្កាត់ Mitte ដែលមមាញឹក ។
អ្នកសង្គ្រោះបន្ទាន់ប្រហែល 100 នាក់បានប្រញាប់ប្រញាល់ទៅកាន់កន្លែងកើតហេតុ ដែលជាកន្លែងកម្សាន្តដែលមានសណ្ឋាគារ Radisson សារមន្ទីរ ហាង និងភោជនីយដ្ឋាន ព្រមទាំងអ្វីដែល DomAquaree complex និយាយថាជាអាងចិញ្ចឹមត្រីរាងស៊ីឡាំងធំជាងគេបំផុតរបស់ពិភពលោកដែលមានកម្ពស់ 14 ម៉ែត្រ ។
ប៉ូលីសទីក្រុងប៊ែរឡាំងបាននិយាយនៅលើ Twitter ថា មនុស្សពីរនាក់បានរងរបួសដោយសារការបែកកញ្ចក់” ។
អ្នកនាំពាក្យកងពន្លត់អគ្គិភ័យក្រុងប៊ែកឡាំងបាននិយាយថា ក្រុមអ្នកជួយសង្គ្រោះបន្ទាន់មិនអាចចូលទៅដល់ជាន់ផ្ទាល់ដីនៃអគារបានទេ ដោយសារតែកម្ទេចកម្ទី ។ លោកបានបន្ថែមថា សត្វឆ្កែហិតខ្លិន និងជួយសង្គ្រោះកំពុងត្រូវបានបញ្ជូនទៅកាន់កន្លែងកើតហេតុ។
អ្នកនាំពាក្យរូបនេះបាននិយាយថា នៅមិនទាន់ច្បាស់ថាតើអ្វីដែលបណ្ដាលឱ្យអាងចិញ្ចឹមត្រីនេះផ្ទុះឡើយ ។ ប៉ូលិសមិនបានធ្វើអត្ថាធិប្បាយពីជោគវាសនារបស់ត្រីនោះទេ។
ប្រភព ៖
Reuters
