ប្រធានាធិបតី វ្ល៉ាឌីមៀរ ពូទីន បានឈ្នះការបោះឆ្នោតភ្លូកទឹកភ្លូកដី នៅក្នុងការបោះឆ្នោតរបស់រុស្ស៊ីដែលបានបិទបញ្ចប់កាលពីថ្ងៃអាទិត្យ ដោយបានពង្រឹងការក្តាប់អំណាចយ៉ាងណែនរួចទៅហើយនៅក្នុងជ័យជម្នះដែលគាត់បាននិយាយថា ទីក្រុងម៉ូស្គូបានធ្វើត្រឹមត្រូវក្នុងការក្រោកឈរឡើងប្រឆាំងចំពោះលោកខាងលិច ហើយបញ្ជូនកងទ័ពរបស់ខ្លួនចូលទៅក្នុងអ៊ុយក្រែន។
លោក ពូទីន ដែលជាអតីតវរសេនីយ៍ទោ KGB ដែលបានឡើងកាន់អំណាចដំបូងក្នុងឆ្នាំ ១៩៩៩ បានបញ្ជាក់យ៉ាងច្បាស់ថា លទ្ធផលនេះគួរតែផ្ញើសារទៅកាន់លោកខាងលិចថា មេដឹកនាំរបស់ខ្លួននឹងត្រូវគិតគូរជាមួយរុស្ស៊ីដែលមានភាពក្លាហាន មិនថានៅក្នុងសង្រ្គាម ឬសន្តិភាពសម្រាប់ជាច្រើនឆ្នាំខាងមុខទៀត ។
លទ្ធផលនេះមានន័យថា លោក ពូទីន នឹងកាន់អំណាចយូរបំផុតនៅរុស្ស៊ីវ៉ាដាច់មេដឹកនាំផ្ដាច់ការលោក Josef Stalin ។
យោងតាមលទ្ធផលបោះឆ្នោត បានឱ្យដឹងថា លោក ពូទីន បានទទួលសំឡេងគាំទ្រ ៨៧,៨% ដែលជាលទ្ធផលខ្ពស់បំផុតមិនធ្លាប់មាននៅក្នុងប្រវត្តិសាស្ត្រក្រោយសម័យសូវៀតរបស់រុស្ស៊ី ។ សហរដ្ឋអាម៉េរិក អាល្លឺម៉ង់ ចក្រភពអង់គ្លេស និងប្រទេសដទៃទៀតបាននិយាយថា ការបោះឆ្នោតនេះមិនសេរី ឬយុត្តិធម៌ទេ ដោយសារតែការចាប់ដាក់គុកអ្នកប្រឆាំងនយោបាយ និងការចាប់ពិរុទ្ធ ។
Reuters