យោងតាមរបាយការណ៍របស់កាសែត Wall Street Journal បានឱ្យដឹងថា រដ្ឋអាជ្ញាសហរដ្ឋអាម៉េរិកនៅរដ្ឋ Virginia កំពុងស៊ើបអង្កេតថាតើវេទិកាប្រព័ន្ធផ្សព្វផ្សាយសង្គម Meta ដែលជាមេរបស់ Facebook បាននឹងកំពុងសម្របសម្រួល និងទទួលបានផលចំណេញពីការលក់ថ្នាំញៀនខុសច្បាប់ដែរឬទេ។
ដោយលើកឡើងពីឯកសារ និងអ្នកដែលដឹងអំពីបញ្ហានេះ អត្ថបទដែលបានចេញផ្សាយកាលពីថ្ងៃសៅរ៍បានរាយការណ៍ថា ព្រះរាជអាជ្ញាបានបញ្ជូនដីកាកាលពីឆ្នាំមុន ហើយបាននឹងកំពុងសួរសំណួរជាផ្នែកមួយនៃការស៊ើបអង្កេតរបស់ចៅក្រមព្រហ្មទណ្ឌ ។
របាយការណ៍បានបន្ថែមថា ព្រះរាជអាជ្ញាក៏កំពុងស្នើសុំកំណត់ត្រាទាក់ទងនឹងខ្លឹមសារគ្រឿងញៀន ឬការលក់ថ្នាំញៀនខុសច្បាប់តាមរយៈវេទិការបស់ Meta ហើយបាននិយាយថា រដ្ឋបាលចំណីអាហារ និងឱសថ (FDA) បានជួយក្នុងការស៊ើបអង្កេត។
អ្នកនាំពាក្យរបស់ Meta បានប្រាប់ WSJ ថា “ការលក់ថ្នាំញៀនខុសច្បាប់គឺប្រឆាំងនឹងគោលការណ៍របស់យើង ហើយយើងធ្វើការដើម្បីស្វែងរក និងលុបខ្លឹមសារនេះចេញពីសេវាកម្មរបស់យើង” ។ លោកបានបន្ថែមថា “Meta សហការយ៉ាងសកម្មជាមួយអាជ្ញាធរអនុវត្តច្បាប់ ដើម្បីជួយប្រយុទ្ធប្រឆាំងនឹងការលក់ និងចែកចាយគ្រឿងញៀនខុសច្បាប់”។
Al Jazeera