នាវាចម្បាំងមកពីប្រទេសចិន រុស្ស៊ី និងអ៊ីរ៉ង់បានធ្វើសមយុទ្ធបាញ់គ្រាប់ពិតរួមនៅក្នុងផ្លូវទឹកក្នុងតំបន់មជ្ឈិមបូព៌ាដ៏សំខាន់មួយក្នុងសប្តាហ៍នេះ ខណៈដែលដៃគូទាំងបីបានបង្ហាញពីកម្លាំងនៅក្នុងតំបន់ នេះបើយោងតាមរបាយការណ៍នៅក្នុងប្រព័ន្ធផ្សព្វផ្សាយរដ្ឋ ។
សេចក្តីថ្លែងការណ៍របស់ក្រសួងការពារជាតិចិនបាននិយាយថា សមយុទ្ធនៅជិតឈូងសមុទ្រអូម៉ង់ ដែលមាននាវាជាង ២០ មកពីប្រទេសទាំងបីគឺ “សំដៅពង្រឹងកិច្ចសហប្រតិបត្តិការដែនសមុទ្រ និងការពារសន្តិភាព និងស្ថិរភាពក្នុងតំបន់” ។
យោងតាមប្រព័ន្ធផ្សព្វផ្សាយរដ្ឋបានឱ្យដឹងថា កងទ័ពជើងទឹករបស់ប្រទេសចិនបានបញ្ជូននាវាពិឃាតបំពាក់មីស៊ីលនាំផ្លូវទៅសមយុទ្ធនោះ រុស្ស៊ីបានបញ្ជូននាវាចម្បាំង Varyag ចេញពីកងនាវាប៉ាស៊ីហ្វិករបស់ខ្លួន ហើយអ៊ីរ៉ង់បានរួមចំណែកនាវាជាច្រើនរួមទាំងនាវាចម្បាំង និងទូកវាយប្រហារល្បឿនលឿន។ ទីភ្នាក់ងារព័ត៌មានរដ្ឋរុស្ស៊ី TASS បានរាយការណ៍ថា សមយុទ្ធនេះគ្រោងនឹងដំណើរការរហូតដល់ថ្ងៃសុក្រ ។
CNN
