កងកម្លាំងការពាររបស់ប្រទេសអៀរឡង់បាននិយាយនៅក្នុងសេចក្តីថ្លែងការណ៍មួយថា ទាហានអៀរឡង់ម្នាក់បានស្លាប់នៅក្នុងបេសកកម្មរក្សាសន្តិភាពរបស់អង្គការសហប្រជាជាតិ បន្ទាប់ពីក្បួនរថយន្តរថពាសដែកចំនួនពីរគ្រឿងដែលដឹកបុគ្គលិកចំនួន 8 នាក់ដែលធ្វើដំណើរទៅកាន់ទីក្រុង Beirut ត្រូវបានរងការបាញ់ប្រហារដោយអាវុធធុនតូច។
សេចក្តីថ្លែងការណ៍បាននិយាយថា សមាជិកម្នាក់ទៀតនៃកងកម្លាំងបណ្តោះអាសន្នរបស់អង្គការសហប្រជាជាតិនៅក្នុងប្រទេសលីបង់ (UNIFIL) ស្ថិតក្នុងស្ថានភាពធ្ងន់ធ្ងរ ដោយបានទទួលការវះកាត់ បន្ទាប់ពីឧប្បត្តិហេតុកាលពីល្ងាចថ្ងៃពុធ ។ ទាហានពីរនាក់ទៀតកំពុងត្រូវបានព្យាបាលរបួសស្រាល ។
កងកម្លាំងការពារបាននិយាយថា ខ្លួនពិតជាមានការសោកស្តាយយ៉ាងខ្លាំងដែល Óglaigh na hÉireann (កងកម្លាំងការពារជាតិអៀរឡង់) បានបញ្ជាក់ពីការស្លាប់របស់កងរក្សាសន្តិភាពរបស់យើងម្នាក់នៅក្នុងឧប្បត្តិហេតុដ៏ធ្ងន់ធ្ងរនៅប្រទេសលីបង់កាលពីយប់មិញ” ។
ប្រភព ៖
Al Jazeera
