អ្នកវិភាគបាននិយាយនៅមុនការប្រកាសទិន្នន័យ GDP ប្រចាំឆ្នាំរបស់ចិនថា កំណើនសេដ្ឋកិច្ចរបស់ប្រទេសចិនសម្រាប់ឆ្នាំ 2022 ត្រូវបានគេរំពឹងថានឹងស្ថិតក្នុងភាពទន់ខ្សោយបំផុតក្នុងរយៈពេល 4 ទសវត្សរ៍ បន្ទាប់ពីវិបត្តិជំងឺរាតត្បាត និងបញ្ហាទ្រព្យសម្បត្តិ ។
អ្នកជំនាញចំនួន 10 នាក់ដែលត្រូវបានសម្ភាសដោយ AFP ព្យាករថាជាមធ្យមមានការកើនឡើង 2.7 ភាគរយនៃផលិតផលក្នុងស្រុកសរុប (GDP) សម្រាប់ប្រទេសសេដ្ឋកិច្ចធំទីពីររបស់ពិភពលោក ដែលជាការធ្លាក់ចុះយ៉ាងខ្លាំងពីកំណើនឆ្នាំ 2021 របស់ប្រទេសចិនដែលមានច្រើនជាង 8 ភាគរយ ។
វាក៏អាចជាល្បឿនយឺតបំផុតរបស់ប្រទេសចិន ចាប់តាំងពីឆ្នាំ 1976 ដែលមានកំណើនសេដ្ឋកិច្ចប្រមាណ 1.6 % ជាឆ្នាំដែលម៉ៅ សេទុង បានស្លាប់ ដោយនេះមិនរាប់បញ្ចូលឆ្នាំ 2020 បន្ទាប់ពីមេរោគ Covid-19 បានផ្ទុះឡើងនៅទីក្រុង Wuhan នៅចុងឆ្នាំ 2019ផង ។
ទីក្រុងប៉េកាំងបានកំណត់គោលដៅកំណើនសេដ្ឋកិច្ចរបស់ខ្លួនសម្រាប់ឆ្នាំ 2022 ប្រហែល 5.5 ភាគរយ ប៉ុន្តែនេះត្រូវបានបំផ្លាញដោយគោលនយោបាយ “សូន្យ-កូវីដ” របស់រដ្ឋាភិបាលដែលជាការបង្អាក់លើសកម្មភាពផលិតកម្ម និងសកម្មភាពសេដ្ឋកិច្ចនៅក្នុងប្រទេស ។
ការបិទខ្ទប់យ៉ាងតឹងរ៉ឹង ការដាក់ឱ្យនៅដាច់ពីគេ និងការធ្វើតេស្តទ្រង់ទ្រាយធំជាកំហិតបានជំរុញឱ្យមានការបិទរោងចក្រផលិត និងអាជីវកម្មភ្លាមៗនៅក្នុងមជ្ឈមណ្ឌលសំខាន់ៗ ដូចជាទីក្រុង Zhengzhou ដែលជាផ្ទះរបស់រោងចក្រ iPhone ដ៏ធំបំផុតរបស់ពិភពលោក ហើយបានបញ្ជូនការលើកឡើងជុំវិញខ្សែសង្វាក់ផ្គត់ផ្គង់ពិភពលោក។
ទីក្រុងប៉េកាំងបានបន្ធូរបន្ថយការរឹតបន្តឹងជំងឺរាតត្បាតភ្លាមៗនៅដើមខែធ្នូ បន្ទាប់ពីរយៈពេលបីឆ្នាំនៃការអនុវត្តវិធានការកូវីដដ៏អាក្រក់បំផុតនៅលើពិភពលោក ។
ប្រទេសចិនកំពុងប្រយុទ្ធប្រឆាំងនឹងការកើនឡើងនៃករណីកូវីដដែលបានគ្រប់មន្ទីរពេទ្យ នៅក្នុងប្រទេសចិនពោរពេញទៅដោយអ្នកជំងឺ ។
ប្រភព ៖ AFP
Translate by Suon Visal
