ប្រទេសថៃរំពឹងថា នឹងទាក់ទាញការមកដល់នូវភ្ញៀវទេសចរចិនចំនួន ២,៩ លាននាក់ និងប្រាក់ចំណូលរាប់ពាន់លានដុល្លារពីការកើនឡើងនៃវិស័យទេសចរណ៍ចិន ដែលជាលទ្ធផលនៃកម្មវិធីលើកលែងទិដ្ឋាការរយៈពេលប្រាំខែ ដែលជាផ្នែកមួយនៃផែនការ ជួយពង្រឹងការស្ទុះងើបឡើងវិញនៃសេដ្ឋកិច្ចរបស់ប្រទេសនេះ។
អ្នកដំណើរចិនជាង ២២,០០០ នាក់បានចូលមកប្រទេសថៃក្នុងរយៈពេលពីរថ្ងៃដំបូងនៃកម្មវិធីលើកលែងទិដ្ឋាការ នេះអ្នកនាំពាក្យរដ្ឋាភិបាលលោក Chai Wacharonke បាននិយាយកាលពីថ្ងៃអាទិត្យនៅលើទំព័រហ្វេសប៊ុកដោយថៃរំពឹងថា នឹងទទួលបានប្រាក់ចំណូលពីទេសចរណ៍ចំនួន ១៤០,៣ ពាន់លានបាត (៣,៨ ពាន់លានដុល្លារ) ពីកម្មវិធីនេះ ។
ជនជាតិចិនប្រហែល ៦៥០,០០០ នាក់បានកក់សំបុត្រយន្តហោះដើម្បីធ្វើដំណើរទៅកាន់ប្រទេសថៃក្នុងខែតុលា នេះបើយោងតាមរបាយការណ៍ពីស្ថានទូតចិនប្រចាំប្រទេសថៃ ។
Bloomberg
