ប្រព័ន្ធផ្សព្វផ្សាយរដ្ឋបានរាយការណ៍ថា តុលាការវៀតណាមបានកាត់ទោសប្រហារជីវិតមហាសេដ្ឋីអចលនទ្រព្យលោកស្រី Truong My Lan កាលពីថ្ងៃព្រហស្បតិ៍ ជុំវិញការជាប់ពាក់ព័ន្ធរបស់លោកស្រីនៅក្នុងរឿងក្តីក្លែងបន្លំហិរញ្ញវត្ថុចំនួន ៣០៤ ពាន់ពាន់លានដុង (១២,៤៦ ពាន់លានដុល្លារ) ដែលជាកំណត់ត្រាក្លែងបន្លំហិរញ្ញវត្ថុដ៏ធំបំផុតរបស់ប្រទេសនេះ ។
ការកាត់ក្តីដែលបានចាប់ផ្តើមនៅថ្ងៃទី ៥ ខែមីនា និងបញ្ចប់លឿនជាងការគ្រោងទុក គឺជាលទ្ធផលដ៏អស្ចារ្យមួយនៃយុទ្ធនាការប្រឆាំងនឹងអំពើពុករលួយដែលមេដឹកនាំបក្សកុម្មុយនិស្តដែលកំពុងកាន់អំណាច លោក Nguyen Phu Trong បានសន្យាអស់រយៈពេលជាច្រើនឆ្នាំដើម្បីលុបបំបាត់ចោលនូវអំពើពុករលួយ ។
ប្រព័ន្ធផ្សព្វផ្សាយរដ្ឋបាននិយាយថា លោកស្រី Truong My Lan ដែលជាប្រធានក្រុមហ៊ុនអភិវឌ្ឍន៍អចលនទ្រព្យ Van Thinh Phat Holdings Group ត្រូវបានគេរកឃើញថាមានពិរុទ្ធពីបទកេងបន្លំ ការសូកប៉ាន់ និងការបំពានច្បាប់ធនាគារ ៕
សមាជិកគ្រួសារម្នាក់បានប្រាប់រ៉យទ័រដោយនិយាយក្នុងលក្ខខណ្ឌមិនបញ្ចេញឈ្មោះថា “យើងនឹងបន្តប្រយុទ្ធប្រឆាំងនឹងការកាត់ក្ដីនេះតាមអ្វីដែលយើងអាចធ្វើបានដោយនឹងប្តឹងឧទ្ធរណ៍ប្រឆាំងនឹងការកាត់ទោសនេះ ។
កាសែត Thanh Nien បាននិយាយថា ចុងចោទចំនួន ៨៤ នាក់ទៀតនៅក្នុងសំណុំរឿងនេះបានទទួលការកាត់ទោសចាប់ពីការកាត់ទោសពី ៣ ឆ្នាំរហូតដល់ដាក់ពន្ធនាគារអស់មួយជីវិត ។ ក្នុងនោះមានប្តីរបស់លោកស្រី Lan ឈ្មោះ Eric Chu ពាណិជ្ជករមកពីទីក្រុងហុងកុង ដែលត្រូវកាត់ទោសឲ្យជាប់គុក ៩ ឆ្នាំ និងក្មួយស្រីដែលជាប់គុក ១៧ ឆ្នាំ ។
CNN
