Nvidia បាននិយាយកាលពីថ្ងៃចន្ទថា ខ្លួនកំពុងពង្រីកកិច្ចសហការរបស់ខ្លួនជាមួយ BYD និងក្រុមហ៊ុនផលិតរថយន្តចិនផ្សេងទៀតដែលកំពុងប្រកួតប្រជែងដើម្បីបង្កើតយានយន្តបើកបរដោយខ្លួនឯង និងបច្ចេកវិទ្យា AI ដើម្បីប្រកួតប្រជែងនៅក្នុងទីផ្សារពិភពលោក។
BYD ដែលបានវ៉ាដាច់ Tesla កាលពីឆ្នាំមុនក្នុងនាមជាក្រុមហ៊ុនផលិតរថយន្តអគ្គិសនីលេខ ១ របស់ពិភពលោកនឹងប្រើប្រាស់បន្ទះឈីបជំនាន់ក្រោយរបស់ Nvidia នៅក្នុងរថយន្តដែលហៅថា Drive Thor ដើម្បីបង្កើនកម្រិតនៃការបើកបរដោយស្វ័យប្រវត្តិ និងមុខងារឌីជីថលផ្សេងទៀត ។
BYD ក៏នឹងប្រើប្រាស់បច្ចេកវិទ្យារបស់ Nvidia ដើម្បីសម្រួលដល់រោងចក្រ និងខ្សែសង្វាក់ផ្គត់ផ្គង់របស់ខ្លួន ក៏ដូចជាអភិវឌ្ឍបន្ទប់តាំងបង្ហាញនិម្មិតផងដែរ បើតាមអនុប្រធានក្រុមហ៊ុន Nvidia ។
ក្រុមហ៊ុនផលិតរថយន្តចិន BYD, Xpeng , GAC Aion ស្ថិតក្នុងចំណោមក្រុមហ៊ុនផលិតរថយន្តជាច្រើន និងអ្នកអភិវឌ្ឍន៍រថយន្តបើកបរដោយស្វ័យប្រវត្តិ ដែលបានប្រកាសពង្រីកកិច្ចសហប្រតិបត្តិការជាមួយ Nvidia ។ ក្រុមហ៊ុនផលិតរថយន្តចិន Zeekr ដែលជាអង្គភាពរបស់ Geely និង Li Auto បាននិយាយថាពួកគេនឹងប្រើបច្ចេកវិទ្យា Drive Thor របស់ Nvidia ដែរ ។
Reuters
