កូរ៉េខាងជើងបានសាកល្បងដោយជោគជ័យនូវម៉ាស៊ីនឥន្ធនៈរឹងសម្រាប់មីស៊ីលកម្រិតមធ្យមប្រភេទថ្មីរបស់ខ្លួន។
ប្រព័ន្ធផ្សព្វផ្សាយរដ្ឋបានរាយការណ៍ពីការអភិវឌ្ឍន៍នៅថ្ងៃពុធនេះ ដោយស្នើឱ្យមានការវិវឌ្ឍក្នុងកិច្ចខិតខំប្រឹងប្រែងរបស់ទីក្រុងព្យុងយ៉ាងក្នុងការអភិវឌ្ឍមីស៊ីលដ៏ខ្លាំងក្លា និងរហ័សរហួន ដែលអាចបាញ់ដល់គោលដៅឆ្ងាយបន្ថែមទៀតនៅក្នុងតំបន់ រួមទាំងកោះ Guam ដែលជាទឹកដីរបស់សហរដ្ឋអាម៉េរិកផងដែរ។
ទីភ្នាក់ងារសារព័ត៌មានមជ្ឈិមកូរ៉េ (KCNA) បាននិយាយថា មេដឹកនាំកូរ៉េខាងជើង លោក គីម ជុងអ៊ុន បានត្រួតពិនិត្យការសាកល្បងនេះ ដែលបានធ្វើឡើងកាលពីថ្ងៃអង្គារ នៅឯមូលដ្ឋានបាញ់បង្ហោះផ្កាយរណប Sohae នៅភាគពាយ័ព្យរបស់ប្រទេសនេះ ។
លោក គីមបានប្រកាសនៅឆ្នាំ ២០២១ ថាលោកចង់ធ្វើទំនើបកម្មយោធា និងបានប្រកាសនូវប្រព័ន្ធសព្វាវុធទំនើបៗតាមបច្ចេកវិទ្យា រួមទាំងមីស៊ីលល្បឿនលឿនជាងសម្លេង ដែលកូរ៉េខាងជើងគ្រោងនឹងអភិវឌ្ឍ ។
Al Jazeera