មេទាហានស៊ីឈ្នួលរុស្ស៊ី លោក Yevgeny Prigozhin បាននិយាយកាលពីថ្ងៃសុក្រថា កងទ័ពឯកជន Wagner របស់លោកបានបើកមជ្ឈមណ្ឌលជ្រើសរើសបុគ្គលិកនៅក្នុងទីក្រុងចំនួន ៤២ ខណៈដែលលោកកំពុងស្វែងរកការបំពេញបន្ថែមនូវកងទ័ពរបស់ខ្លួនបន្ទាប់ពីការខាតបង់យ៉ាងធ្ងន់ធ្ងរក្នុងការប្រយុទ្ធដណ្តើមយកទីក្រុង Bakhmut របស់អ៊ុយក្រែន។
ក្នុងសារសំឡេងដ៏រំជើបរំជួល លោក Prigozhin បាននិយាយថា អ្នកប្រយុទ្ធថ្មីកំពុងចេញមកជួរមុខ ប៉ុន្តែមិនបានបង្ហាញពីចំនួនដែលជាក់លាក់នោះទេ ។ លោកក៏បាននិយាយថា ការផ្គត់ផ្គង់គ្រាប់រំសេវមានភាពប្រសើរឡើង ប៉ុន្តែនៅតែមានការព្រួយបារម្ភ ។ លោកបានបន្តថា៖ «ទោះបីជាមានការតស៊ូយ៉ាងខ្លាំងរបស់កងកម្លាំងប្រដាប់អាវុធអ៊ុយក្រែនក៏ដោយ យើងនឹងទៅមុខ»។
ក្រុមទាហានស៊ីឈ្នួលរុស្ស៊ី Wagner បានដឹកនាំការប្រយុទ្ធគ្នាយ៉ាងខ្លាំងក្លាបំផុតនៅក្នុងការប៉ុនប៉ងរបស់រុស្ស៊ីដើម្បីដណ្តើមយកទីក្រុង Bakhmut ជាកន្លែងដែលកងទ័ពអ៊ុយក្រែននៅតែកំពុងរារាំងបន្ទាប់ពីមានសង្គ្រាមរាប់សិបខែជាងប្រាំពីរខែ ដែលជាយុទ្ធនាការបង្ហូរឈាមដែលលោក Prigozhin ហៅថា “ម៉ាស៊ីនកិនសាច់” ។
ប្រភព ៖ Reuters
By Suon Visal
