ប្រជាជនប៉ាឡេស្ទីនដែលកំពុងស្រេកឃ្លាន ៧៧នាក់ត្រូវបានសម្លាប់ និងជាង ២០០នាក់ផ្សេងទៀតរងរបួស បន្ទាប់ពីទាហានអ៊ីស្រាអែលបានបើកការបាញ់ប្រហារទៅលើមនុស្សរាប់រយនាក់ដែលកំពុងរង់ចាំជំនួយស្បៀងអាហារនៅភាគនិរតីនៃទីក្រុង Gaza ខណៈដែលតំបន់នេះប្រឈមមុខនឹងវិបត្តិអត់ឃ្លានដែលមិនធ្លាប់មានពីមុនមក។
ប្រជាពលរដ្ឋបានប្រមូលផ្តុំគ្នានៅផ្លូវ al-Rashid ជាកន្លែងដែលរថយន្តជំនួយត្រូវបានគេជឿថាកំពុងធ្វើដំណើរមក ។ ទូរទស្សន៍ Al Jazeera បានផ្ទៀងផ្ទាត់វីដេអូដែលបង្ហាញពីសាកសពមនុស្សរាប់សិបនាក់ដែលបានស្លាប់ និងរបួស ត្រូវបានគេដាក់លើឡានដឹកទំនិញ ខណៈដែលគ្មានរថយន្តសង្គ្រោះបន្ទាន់អាចទៅដល់តំបន់នោះ។
ក្រសួងការបរទេសប៉ាឡេស្ទីនបានថ្កោលទោសអ្វីដែលខ្លួននិយាយថាជាការសម្លាប់រង្គាលនេះ ។ ការវាយប្រហារនេះគឺជាផ្នែកមួយនៃសង្រ្គាមប្រល័យពូជសាសន៍ដែលកំពុងបន្តរបស់អ៊ីស្រាអែល។ ក្រសួងការបរទេសប៉ាឡេស្ទីនបានអំពាវនាវដល់សហគមន៍អន្តរជាតិឱ្យ “អន្តរាគមន៍ជាបន្ទាន់” ដើម្បីបង្កើតបទឈប់បាញ់ជាមធ្យោបាយតែមួយគត់ដើម្បីការពារជនស៊ីវិល ។
អ៊ីស្រាអែលមិនទាន់ចេញមកអធិប្បាយលើហេតុការណ៍នេះនូវឡើយទេ ។
Al Jazeera
