សហរដ្ឋអាម៉េរិកកាលពីថ្ងៃព្រហស្បតិ៍បានដាក់ទណ្ឌកម្មលើក្រុមហ៊ុនដែលខ្លួនបានចោទប្រកាន់ថាមានការជាប់ពាក់ព័ន្ធក្នុងពាណិជ្ជកម្មគីមីឥន្ធនៈ និងប្រេងរបស់អ៊ីរ៉ង់ រួមទាំងក្រុមហ៊ុនចំនួនប្រាំដែលមានមូលដ្ឋាននៅក្នុងប្រទេសចិនដោយដាក់សម្ពាធលើទីក្រុងតេអេរ៉ង់ ខណៈដែលខ្លួនស្វែងរកការស្តារឡើងវិញនូវកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ 2015 ។
ទីក្រុងវ៉ាស៊ីនតោនបានកំណត់គោលដៅកាន់តែខ្លាំងឡើងចំពោះក្រុមហ៊ុនចិនជុំវិញការនាំចេញគីមីឥន្ធនៈរបស់អ៊ីរ៉ង់ ខណៈដែលការរំពឹងទុកនៃការស្តារឡើងវិញនូវកតិកាសញ្ញានុយក្លេអ៊ែរបានចុះស្រអាប់ ។
លោក Brian Nelson អនុលេខាធិការរតនាគារសម្រាប់ភេរវកម្ម និងស៊ើបការណ៍ហិរញ្ញវត្ថុ បាននិយាយនៅក្នុងសេចក្តីថ្លែងការណ៍មួយថា ដរាបណាប្រទេសអ៊ីរ៉ង់នៅតែបដិសេធការវិលត្រឡប់ទៅវិញទៅមកក្នុងការអនុវត្តពេញលេញនៃផែនការសកម្មភាពរួម សហរដ្ឋអាម៉េរិកនឹងបន្តអនុវត្តទណ្ឌកម្មរបស់ខ្លួនលើការលក់ប្រេង និងផលិតផលគីមីឥន្ធនៈរបស់អ៊ីរ៉ង់” ។
ប្រភព ៖ Reuters
