ឡានដឹកទំនិញដែលផ្ទុកជំនួយមនុស្សធម៌បានចាប់ផ្តើមបើកចូលទៅក្នុងផ្លូវឆ្លងកាត់ច្រក Rafah ប្រទេសអេហ្ស៊ីបទៅកាន់តំបន់ហ្គាហ្សាហើយកាលពីព្រឹកថ្ងៃសៅរ៍ នេះបើតាមវីដេអូពីទូរទស្សន៍រដ្ឋអេហ្ស៊ីបបានបង្ហាញ ។
សេចក្តីថ្លែងការណ៍មួយពីក្រុមហាម៉ាសប៉ាឡេស្ទីនបាននិយាយមុននេះថា ក្បួនរថយន្តមួយរួមទាំងរថយន្តជំនួយចំនួន ២០ គ្រោងនឹងចូលក្នុងតំបន់ហ្គាហ្សាស្ទ្រីបនៅថ្ងៃសៅរ៍ពីប្រទេសអេហ្ស៊ីបដោយដឹកថ្នាំសង្កូវ និងអាហារ ។ ក្រុមហាម៉ាស់បានបន្ថែមថា ការដឹកជញ្ជូនជំនួយនេះនឹងមិនផ្លាស់ប្តូរលក្ខខណ្ឌវេជ្ជសាស្ត្រដ៏មហន្តរាយនៅក្នុងតំបន់ហ្គាហ្សាទេ ។
ខ្សែវីដេអូទូរទស្សន៍រដ្ឋបានបង្ហាញរថយន្តដឹកទំនិញដែលបានរង់ចាំជាច្រើនថ្ងៃចូលតំបន់ឆ្លងព្រំដែនពីឧបទ្វីប Sinai ប្រទេសអេហ្ស៊ីប។
នៅព្រឹកថ្ងៃសៅរ៍ ស្ថានទូតអាម៉េរិកប្រចាំប្រទេសអ៊ីស្រាអែល បាននិយាយថា ព្រំដែនហ្គាហ្សា-អេហ្ស៊ីប អាចនឹងបើកនៅថ្ងៃសៅរ៍ ដោយផ្តល់យោបល់ថា វិធានការបែបនេះនឹងអាចឱ្យជនបរទេស ចាកចេញពីតំបន់ហ្គាហ្សាដែលកំពុងត្រូវបានឡោមព័ទ្ធ ។
Reuters
