អាជ្ញាធរវៀតណាមបាននិយាយនៅថ្ងៃសុក្រនេះថា សាកសពចំនួនប្រាំពីរត្រូវបានគេរកឃើញនៅលើឆ្នេរខ្សាច់នៅភាគខាងត្បូងប្រទេសវៀតណាម មួយសប្តាហ៍បន្ទាប់ពីទូកមួយដែលមានមនុស្សជាង 40 នាក់នៅលើនោះបានលិចចេញពីទីក្រុងឆ្នេរសមុទ្រកម្ពុជាជិតខេត្តព្រះសីហនុ។
ក្រសួងសន្តិសុខសាធារណៈរបស់វៀតណាមបាននិយាយនៅក្នុងសេចក្តីប្រកាសព័ត៌មានមួយថា សាកសពត្រូវបានរកឃើញនៅលើឆ្នេរមួយនៅលើកោះ Phu Quoc ឬ កោះត្រល់ដែលស្ថិតនៅជាប់តំបន់ព្រំដែនរវាងប្រទេសទាំង២ ។ សាកសពពីរនាក់មានក្រដាសដែលមានអក្សរចិនដាក់ក្នុងហោប៉ៅ ។
អាជ្ញាធរកម្ពុជាបាននិយាយថា ទូកបានលិចកាលពីព្រឹកថ្ងៃព្រហស្បតិ៍សប្តាហ៍មុន ដោយមានអ្នកនៅរស់ចំនួន ៣០ នាក់ត្រូវបានអាជ្ញាធរកម្ពុជា និងវៀតណាមជួយសង្គ្រោះ។
លោក ខៀវ សុភ័គ អ្នកនាំពាក្យក្រសួងមហាផ្ទៃកម្ពុជាបានថ្លែងថាអាជ្ញាធរបានបើកការស៊ើបអង្គេតលើករណីជួញដូរមនុស្សបន្ទាប់ពីការលិចទូកនេះ ហើយមនុស្ស ៦ នាក់ត្រូវបានចាប់ខ្លួន ។
មន្ត្រីរូបនេះមិនបានបញ្ជាក់ពីមូលហេតុដែលអាជ្ញាធរជឿថា មនុស្សនៅលើទូកត្រូវបានគេជួញដូរនោះទេ ។
ប្រភព ៖ Reuters
