សភាអាម៉េរិកអនុម័តច្បាប់ដាក់កំហឹតឲ្យក្រុមហ៊ុនមេរបស់ TikTok លក់កម្មវិធីនេះទៅឲ្យជនជាតិអាម៉េរិកគ្រប់គ្រងជាបន្ទាន់

សភាតំណាងរាស្រ្តសហរដ្ឋអាម៉េរិកបានអនុម័តក្នុងសំឡេងយ៉ាងច្រើនលើសលប់លើច្បាប់ដែលនៅទីបំផុតអាចហាមឃាត់វេទិកាប្រព័ន្ធផ្សព្វផ្សាយសង្គម TikTok នៅក្នុងប្រទេសនេះនៅក្នុងការភ័យខ្លាចចុងក្រោយរបស់អាម៉េរិកប្រឆាំងនឹងប្រទេសចិន ។

សេចក្តីព្រាងច្បាប់នេះ ទទួលបានការគាំទ្រយ៉ាងខ្លាំងពីសមាជិកសភាទាំង២គណបក្ស ដោយមានសំឡេងគាំទ្រ ៣៥២ ទល់នឹង ៦៥ ។ ឥឡូវនេះច្បាប់នេះនឹងត្រូវការតែការអនុម័តពីព្រឹទ្ធសភាដែលមានសមាជិក ១០០ នាក់ ប៉ុណ្ណោះ ខណៈលោក បៃដិន បាននិយាយរួចជាស្រេចហើយថា គាត់នឹងចុះហត្ថលេខាអនុម័តលើច្បាប់នេះ ប្រសិនបើវាទៅដល់តុរបស់គាត់ ។

ប្រសិនបើរឿងនេះកើតឡើង ក្រុមហ៊ុន ByteDance ដែលជាក្រុមហ៊ុនមេរបស់ TikTok នឹងត្រូវផ្តល់ពេលប្រហែលប្រាំមួយខែ ដើម្បីលក់ TikTok ទៅឲ្យក្រុមហ៊ុនសហរដ្ឋអាម៉េរិក ឬមើលកម្មវិធីរបស់ខ្លួនត្រូវបានហាមឃាត់នៅក្នុងសហរដ្ឋអាម៉េរិក។

ច្បាប់នេះកើតចេញពីការព្រួយបារម្ភថា ByteDance ដែលស្និតនឹងរដ្ឋាភិបាលចិនប្រមូលទិន្នន័យពីអ្នកប្រើប្រាស់អាម៉េរិកប្រហែល 170 លាននាក់អាចបង្កការគំរាមកំហែងដល់សន្តិសុខជាតិ។ ទោះជាយ៉ាងណាក៏ដោយ Bytedance បញ្ជាក់ម្តងហើយម្តងទៀតថា ក្រុមហ៊ុនរបស់ខ្លួនដំណើរការដោយឯករាជ្យពីរដ្ឋាភិបាលចិន។

ភ្លាមៗក្រោយការអនុម័តរបស់សភានាយកប្រតិបត្តិ TikTok លោក Chew Shou បានចេញថ្លែងការណ៍ដោយផ្ទាល់នៅលើ TikTok ថា យើងនឹងបន្តធ្វើអ្វីៗទាំងអស់ដែលយើងអាចធ្វើបាន រួមទាំងការអនុវត្តសិទ្ធិស្របច្បាប់របស់យើង ដើម្បីការពារវេទិកាដ៏អស្ចារ្យនេះ ដែលយើងបានបង្កើតជាមួយអ្នក” ។ “យើងជឿថា យើងអាចយកឈ្នះលើបញ្ហានេះជាមួយគ្នាការពារសិទ្ធិរដ្ឋធម្មនុញ្ញរបស់អ្នក។ មតិរបស់អ្នកសំខាន់ខ្លាំងណាស់ ” ។

ចំណែកបុគ្គលជនជាតិអាម៉េរិកល្បីៗបានបញ្ចេញមតិមិនពេញចិត្តទាល់តែសោះចំពោះច្បាប់នេះ ។