ប្រធានាធិបតីវ្ល៉ាឌីមៀរ ពូទីន បាននិយាយថា រុស្ស៊ីបានត្រៀមខ្លួនរួចជាស្រេចក្នុងការផ្តល់ជីរុស្សីជាង 300,000 តោនដែលជាប់គាំងនៅក្នុងកំពង់ផែអឺរ៉ុបដល់ប្រទេសកំពុងអភិវឌ្ឍន៍ដោយឥតគិតថ្លៃ ប្រសិនបើអឺរ៉ុបយល់ព្រមបន្ធូរបន្ថយទណ្ឌកម្មបន្ថែមទៀតលើការនាំចេញរបស់រុស្ស៊ី ។ នេះបើយោងតាមការចេញផ្សាយដោយសារព័ត៌មាន Reuters ។
ថ្លែងនៅក្នុងកិច្ចប្រជុំកំពូលនៃអង្គការសហប្រតិបត្តិការសៀងហៃក្នុងប្រទេសអ៊ូសបេគីស្ថាន លោកពូទីនបាននិយាយថា អឺរ៉ុបបានដកទណ្ឌកម្មចេញតែផ្នែកខ្លះប៉ុណ្ណោះ ដែលក្រុងម៉ូស្គូនិយាយថា រារាំងលទ្ធភាពលក់ និងបញ្ជូនជីនៅជុំវិញពិភពលោក ។
លោក ពូទីន បាននិយាយថា រុស្ស៊ីស្វាគមន៍ការសម្រេចចិត្តរបស់សហភាពអឺរ៉ុបក្នុងការបន្ធូរបន្ថយទណ្ឌកម្មផ្នែកដឹកជញ្ជូនមួយចំនួនលើការនាំចេញជីរបស់រុស្ស៊ី ប៉ុន្តែបានចោទប្រកាន់ប្លុកនេះថាបានធ្វើសកម្មភាព “អាត្មានិយម” ដោយគ្រាន់តែដកទណ្ឌកម្មសម្រាប់សមាជិករបស់ខ្លួនប៉ុណ្ណោះ ។
លោក ពូទីន បាននិយាយថា រុស្ស៊ីមានជី 300,000 តោន ដែលបច្ចុប្បន្នកំពុងជាប់គាំងនៅក្នុងកំពង់ផែអឺរ៉ុប ដែលទីក្រុងម៉ូស្គូបានត្រៀមខ្លួនរួចជាស្រេចដើម្បីបញ្ជូនទៅកាន់ប្រទេសកំពុងអភិវឌ្ឍន៍ដោយឥតគិតថ្លៃ នៅពេលដែលទណ្ឌកម្មត្រូវបានដកចេញ ។
