ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយនៅក្នុងសុន្ទរកថាមួយថា រុស្ស៊ីនឹងរក្សាការយកចិត្តទុកដាក់បន្ថែមទៀតលើការជំរុញកងកម្លាំងនុយក្លេអ៊ែររបស់ខ្លួនដើម្បីប្រារព្ធទិវាអ្នកការពារមាតុភូមិកាលពីថ្ងៃព្រហស្បតិ៍ និងមួយថ្ងៃមុនខួបលើកទីមួយនៃការឈ្លានពានអ៊ុយក្រែន។
គួរឱ្យដឹងដែរថា ការអត្ថាធិប្បាយរបស់លោកពូទីន ធ្វើឡើងបន្ទាប់ពីលោកបានផ្អាកសន្ធិសញ្ញាគ្រប់គ្រងអាវុធនុយក្លេអ៊ែរទ្វេភាគីជាមួយសហរដ្ឋអាម៉េរិក។លោក ពូទីន បាននិយាយដោយសំដៅលើកាំជ្រួចនុយក្លេអ៊ែរដែលមានមូលដ្ឋានលើដី សមុទ្រ និងនៅលើអាកាសថា ដូចពីមុន យើងនឹងយកចិត្តទុកដាក់លើការពង្រឹងនុយក្លេអ៊ែរទាំងបី ។
ដោយ លោក ពូទីន បាននិយាយថា ជាលើកដំបូងដែលមីស៊ីលផ្លោងអន្តរទ្វីប Sarmat ដែលជាអាវុធអាចផ្ទុកក្បាលគ្រាប់នុយក្លេអ៊ែរបានច្រើននឹងត្រូវដាក់ពង្រាយនៅឆ្នាំនេះ។ហើយលោកបន្តនៅក្នុងសុន្ទរកថាដែលចេញដោយវិមានក្រឹមឡាំងនៅព្រឹកថ្ងៃព្រហស្បតិ៍ថា យើងនឹងបន្តការផលិតយន្តហោះទម្លាក់នុយក្លែអ៊ែ Kinzhal ដ៏ធំដែលមានមូលដ្ឋានលើអាកាស ហើយនឹងចាប់ផ្តើមការផ្គត់ផ្គង់មីស៊ីល Zircon ដ៏ធំដែលមានមូលដ្ឋានលើសមុទ្រ ។គួររំលឹកដែរថា រុស្ស៊ីគ្រោងនឹងចាប់ផ្តើមធ្វើសមយុទ្ធយោធាជាមួយចិននៅអាហ្វ្រិកខាងត្បូងនៅថ្ងៃសុក្រ ហើយបានបញ្ជូននាវាចម្បាំងបំពាក់ដោយកាំជ្រួចល្បឿនលឿនជាងសំឡេងទៅថែមទៀតផង។
ប្រភព៖ Reuters
BY Chanratanak
