ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានប្រកាសថា ប្រទេសរបស់គាត់ជា “មេដឹកនាំពិភពលោក” នៅក្នុងសុន្ទរកថាទៅកាន់សភាកាលពីថ្ងៃពុធដោយប្រាប់សមាជិកសភាឱ្យរក្សាការរួបរួមក្នុងការប្រឈមមុខនឹងការឈ្លានពានរបស់រុស្ស៊ី និងសរសើរអ៊ុយក្រែនសម្រាប់ការជួយលោកខាងលិចឲ្យរកឃើញខ្លួនឯងម្តងទៀត ។
លោក ហ្សេលេនស្គី បាននិយាយនៅក្នុងសុន្ទរកថាប្រចាំឆ្នាំដែលបានធ្វើឡើងនៅកិច្ចប្រជុំបិទទ្វារដោយសារតែសង្រ្គាមរបស់រុស្ស៊ីបាននិយាយថា ការតស៊ូរបស់យោធាអ៊ុយក្រែនប្រឆាំងនឹងវិមានក្រឹមឡាំងបានធ្វើឱ្យមានជំនឿឡើងវិញលើតម្លៃនៅទូទាំងពិភពលោក ។
គាត់បានប្រាប់សមាជិកសភា គណៈរដ្ឋមន្ត្រីរបស់គាត់ មន្ត្រីជាន់ខ្ពស់ផ្សេងទៀត និងមេទ័ពកំពូលៗថា “អរគុណចំពោះការរួបរួមរបស់យើង យើងសម្រេចបាននូវអ្វីដែលស្ទើរតែគ្មាននរណាម្នាក់ក្នុងពិភពលោកជឿ លើកលែងតែយើង” ។
គាត់បាននិយាយនៅក្នុងសុន្ទរកថារយៈពេល 45 នាទីថា “ពណ៌របស់ទង់ជាតិរបស់យើងសព្វថ្ងៃនេះគឺជានិមិត្តសញ្ញាអន្តរជាតិនៃភាពក្លាហាន និងភាពមិនចេះអត់ធ្មត់នៃពិភពលោកទាំងមូល” ។
ដោយថ្លែងអំណរគុណដល់ដៃគូលោកខាងលិចសម្រាប់ការផ្គត់ផ្គង់សព្វាវុធ លោក ហ្សេលេនស្គី ក៏បាននិយាយផងដែរថា អ៊ុយក្រែននឹងបង្កើតឧស្សាហកម្មការពារជាតិក្នុងស្រុកដ៏មានឥទ្ធិពលមួយដែល នឹងក្លាយជាប្រទេសដ៏មានឥទ្ធិពលបំផុតមួយនៅអឺរ៉ុប និងពិភពលោក”។
ប្រភព ៖ Reuters
Translate by VISAL