នាយករដ្ឋមន្ត្រីហ្វាំងឡង់និយាយថា សង្គ្រាមអ៊ុយក្រែនបង្ហាញថា អឺរ៉ុបពឹងផ្អែកខ្លាំងលើអាម៉េរិក

នាយករដ្ឋមន្ត្រីហ្វាំងឡង់លោកស្រី Sanna Marin បាននិយាយកាលពីថ្ងៃសុក្រថា ការឈ្លានពានរបស់រុស្ស៊ីលើអ៊ុយក្រែនបានបង្ហាញថា អឺរ៉ុបពឹងផ្អែកខ្លាំងពេកលើសហរដ្ឋអាម៉េរិកសម្រាប់សន្តិសុខផ្ទាល់ខ្លួន ។

ថ្លែងនៅទីក្រុងស៊ីដនី ប្រទេសអូស្ត្រាលី លោកស្រី Marin បាននិយាយពីការបង្កើនសមត្ថភាពការពាររបស់អឺរ៉ុប រួមទាំងការផលិតអាវុធផងដែរ ។ លោកស្រី Marin បានប្រាប់ទស្សនិកជននៅវិទ្យាស្ថាន Lowy ថា “ខ្ញុំត្រូវតែស្មោះត្រង់បំផុតជាមួយអ្នក ។ អឺរ៉ុបមិនមានកម្លាំងគ្រប់គ្រាន់ទេនៅពេលនេះ ។ យើងនឹងមានបញ្ហាប្រសិនបើគ្មានសហរដ្ឋអាម៉េរិក”។

លោកស្រីបានបន្ថែមថា លោកស្រីបាននិយាយជាមួយអ្នកនយោបាយអាម៉េរិកជាច្រើនដែលបាននិយាយថា ពួកគេគិតថាអឺរ៉ុបគួរតែខ្លាំងជាងនេះ ។ លោកស្រី Marin បាននិយាយថា “សហរដ្ឋអាម៉េរិកបានផ្តល់សព្វាវុធជាច្រើន ជំនួយហិរញ្ញវត្ថុជាច្រើន ជំនួយមនុស្សធម៌ជាច្រើនដល់អ៊ុយក្រែន និងអឺរ៉ុបមិនទាន់រឹងមាំគ្រប់គ្រាន់នៅឡើយទេ”។ «យើងត្រូវតែធ្វើឱ្យប្រាកដថាយើងកំពុងតែកសាងសមត្ថភាពទាំងនោះនៅពេលនិយាយដល់វិស័យឧស្សាហកម្មការពារជាតិរបស់អឺរ៉ុប»។