យោងតាមសេចក្តីថ្លែងការណ៍របស់ Federal Deposit Insurance បានឱ្យដឹងថា ធនាគារ First Citizens BancShares បានយល់ព្រមទិញធនាគារ និងសន្មតក្នុងកិច្ចព្រមព្រៀង និងសន្មតសម្រាប់ប្រាក់បញ្ញើ និងប្រាក់កម្ចីទាំងអស់របស់ធនាគារ Silicon Valley ។ កិច្ចព្រមព្រៀងនេះរួមបញ្ចូលទាំងការទិញទ្រព្យសម្បត្តិធនាគារ Silicon Valley ប្រហែល ៧២ ពាន់លានដុល្លារជាមួយនឹងការបញ្ចុះតម្លៃ ១៦.៥ ពាន់លានដុដុល្លារ។ ប្រហែល ៩០ ពាន់លានដុល្លារនៃមូលបត្រ និងទ្រព្យសម្បត្តិផ្សេងទៀតនឹងនៅតែគ្រប់គ្រងដោយអ្នកគ្រប់គ្រងទ្រព្យសម្រាប់ចាត់ចែងដោយសហព័ន្ធសាជីវកម្មធានារ៉ាប់រងប្រាក់បញ្ញើ (FDIC) ។
ធនាគារ Silicon Valley បានក្លាយជាអ្នកផ្តល់ប្រាក់កម្ចីដ៏ធំបំផុតរបស់សហរដ្ឋអាម៉េរិកដែលបរាជ័យរយៈពេលជាងមួយទសវត្សរ៍នៅដើមខែនេះ។ ធនាគារបានខាតបង់យ៉ាងធំធេងលើការលក់មូលបត្ររបស់ខ្លួនចំពេលមានការកើនឡើងអត្រាការប្រាក់ ដែលបង្កការភ័យខ្លាចដល់វិនិយោគិន និងអ្នកដាក់ប្រាក់បញ្ញើជាច្រើននាំគ្នាចាប់ផ្តើមដកប្រាក់របស់ពួកគេយ៉ាងឆាប់រហ័ស។ គ្រាន់តែនៅថ្ងៃទី ៩ ខែមីនា អ្នកវិនិយោគនិងអ្នកដាក់ប្រាក់បញ្ញើបានព្យាយាមដកប្រាក់ប្រហែល ៤២ ពាន់លានដុល្លារ។ បន្ទាប់ពីធនាគារ Silicon Valley បានដួលរលំ ធនាគារ First Citizens បានដាក់សំណើដេញថ្លៃសម្រាប់ធនាគារនេះភ្លាមៗ នេះបើយោងតាមមនុស្សដែលដឹងពីរឿងនេះ។
ប្រភព ៖ Bloomberg
By POV PECH
