ទីក្រុងបុមបៃក្លាយគឺជាទីក្រុងនៅអាស៊ីដែលមានចំនួនមហាសេដ្ឋីច្រើនជាងគេ នេះបើយោងតាមបញ្ជីអ្នកមានសកលរបស់វិទ្យាស្ថានស្រាវជ្រាវ Hurun ។ នេះជាលើកទីមួយហើយដែលទីក្រុងដែលមានប្រជាជនច្រើនបំផុតរបស់ប្រទេសឥណ្ឌាបានជាប់ចំណាត់ថ្នាក់កំពូលនៅអាស៊ី ។
ចំណាត់ថ្នាក់កំពូលនៃបញ្ជីអ្នកមានពិភពលោកឆ្នាំ ២០២៤ សម្រាប់ទីក្រុងគឺញូវយ៉កដែលមហាសេដ្ឋីចំនួន ១១៩នាក់ បន្ទាប់មកទីក្រុងឡុងដ៍ ៩៧នាក់ ។ នៅអាស៊ី ទីក្រុងបុមបៃ ដែលជារដ្ឋធានីហិរញ្ញវត្ថុរបស់ប្រទេសឥណ្ឌា បានឈានទៅមុខជាមួយនឹងមហាសេដ្ឋីចំនួន ៩២ នាក់ តាមពីក្រោយគឺទីក្រុងប៉េកាំង ៩១ នាក់ និងសៀងហៃ ៨៧ នាក់ ។
របាយការណ៍បានបង្ហាញថា បច្ចុប្បន្នមានមហាសេដ្ឋីចំនួន ៣,២៧៩ នាក់នៅទូទាំងពិភពលោក កើនឡើង ៥% ពីឆ្នាំ ២០២៣ ។
ប្រទេសចិននៅតែឈរលើកំពូលតារាងដែលមានមហាសេដ្ឋីច្រើនបំផុតចំនួន ៨១៤ បើទោះបីជាប្រទេសនេះបានបាត់បង់មហាសេដ្ឋីចំនួន ១៥៥ នាក់ធៀបនឹងឆ្នាំមុនក៏ដោយ។ សហរដ្ឋអាម៉េរិកជាប់ចំណាត់ថ្នាក់លេខពីរជាមួយមហាសេដ្ឋីចំនួន ៨០០ នាក់ ខណៈប្រទេសឥណ្ឌាជាប់ចំណាត់ថ្នាក់លេខ ៣ មាន ២៧១។
ក្រុមហ៊ុនស្រាវជ្រាវបានកត់សម្គាល់ថា ប្រទេសចិនជួបប្រទះនឹងឆ្នាំដ៏អាក្រក់ ។ ការបង្កើតទ្រព្យសម្បត្តិនៅក្នុងប្រទេសចិនបានឆ្លងកាត់ការផ្លាស់ប្តូរយ៉ាងស៊ីជម្រៅក្នុងរយៈពេលប៉ុន្មានឆ្នាំចុងក្រោយនេះ ជាមួយនឹងទ្រព្យសម្បត្តិរបស់មហាសេដ្ឋីពីអចលនទ្រព្យ បានធ្លាក់ចុះ។
CNBC
