សង្គ្រាមនៅអ៊ុយក្រែនបានឈានដល់ខួប ២ឆ្នាំហើយ។ កាលពីព្រឹកព្រលឹមថ្ងៃទី ២៤ ខែកុម្ភៈ ឆ្នាំ 2022 ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបញ្ជូនកងទ័ពរបស់គាត់ចូលទៅក្នុងអ៊ុយក្រែនដែលលោកហៅប្រតិបត្តិការនោះថាជាប្រតិបត្តិការយោធាពិសេស ។
អ្វីដែលលោកពូទីនបានទន្ទឹងរង់ចាំជាសង្រ្គាមផ្លេកបន្ទោរដែលលោកសង្ឃឹមថានឹងទទួលបានជ័យជម្នះយ៉ាងឆាប់រហ័សហើយរំពឹងថា សង្រ្គាមមានរយៈពេលមួយឬពីរសប្តាហ៍ ។ ប៉ុន្តែសង្រ្គាមបានអូសបន្លាយរហូតដល់លោកខាងលិចមានពេលវេលាដើម្បីប្រតិកម្ម ។
កងទ័ពរុស្ស៊ីបានបរាជ័យក្នុងវាយប្រយុទ្ធគ្នានៅជាយរដ្ឋធានីគៀវរបស់អ៊ុយក្រែន ហើយត្រូវដកថយ ។ នៅភាគខាងកើតកងទ័ពរុស្ស៊ីបានវាយចូលតាមជួរមុខដ៏ធំ ប៉ុន្តែមិនរុលទៅមុខបានជ្រៅទេ។ កងទ័ពរុស្ស៊ីបានយកតែប្រហែល២០ភាគរយនៃទឹកដីអ៊ុយក្រែនប៉ុណ្ណោះ ។ ក្រោយមកនៅឆ្នាំ២០២២ អ៊ុយក្រែនបានវាយបកវិញ ដោយរុញរុស្ស៊ីចេញពីការកាន់កាប់ទឹកដីខ្លួនដោយយកបានប្រហែលពាក់កណ្តាលមកវិញ ។ នៅឆ្នាំ ២០២៣ អ៊ុយក្រែនបានព្យាយាមវាយលុកទ្រង់ទ្រាយធំជាថ្មីប៉ុន្តែបានរងបរាជ័យយ៉ាងធ្ងន់ធ្ងរ ។
ការការពារការវាយបកពីអ៊ុយក្រែនរបស់រុស្ស៊ីមានភាល្អខ្លាំងជាងអ្នកវិភាគបានរំពឹងទុក ក្នុងរយៈពេលប្រាំមួយខែចុងក្រោយនេះ ស្ថានភាពនៅជួរមុខស្ទើរតែមិនផ្លាស់ប្តូរទាល់តែសោះ ។
បច្ចុប្បន្នជាសង្គ្រាមផ្លាស់ប្តូរទៅជាអ្វីដែលរុស្ស៊ីចង់បាន លោកខាងលិចដែលធ្លាប់បានគាំទ្រអ៊ុយក្រែនយ៉ាងច្រើន ពេលនេះកំពុងជួបនឹងបញ្ហាសេដ្ឋកិច្ចក្រោយបង្កើនការដាក់ទណ្ឌកម្មលើរុស្ស៊ី ។ រុស្ស៊ីបានបង្ហាញភាពធន់ក្នុងការទប់ទល់នឹងទណ្ឌកម្មរបស់លោកខាងលិចជាងការរំពឹងទុក។ សង្គ្រាមកំពុងធ្វើឲ្យប៉ះពាល់ដល់សេដ្ឋកិច្ចរុស្ស៊ី ប៉ុន្តែមិនបានច្រើនដូចការរំពឹងទុកទេ ខណៈប្រទេសចិន ឥណ្ឌា និងប្រទេសផ្សេងទៀតនៅក្នុងសកលលោកខាងត្បូងបានបន្តធ្វើពាណិជ្ជកម្មជាមួយរុស្ស៊ី ។
លោកខាងលិចនៅតែបន្តមិនយល់ស្របគ្នាលើជំនួយដល់អ៊ុយក្រែន ។ កញ្ចប់ជំនួយលោកខាងលិចដល់អ៊ុយក្រែននៅតែបន្តមកដល់ក្នុងបរិមាណតិចតួច ។ ពីរឆ្នាំពេញនៃសង្រ្គាម ម្ចាស់ជំនួយធំៗដូចជាអាល្លឺម៉ង់ បារាំង និងអាម៉េរិក នៅតែបន្តការជជែកមិនត្រូវរូវគ្នាក្នុងស្រុកលើការកញ្ចប់ជំនួយថ្មី ដោយបន្តបន្ថយល្បឿនការដឹកជញ្ជូន និងបង្កើតភាពមិនច្បាស់លាស់ជាច្រើននៅក្នុងប្រទេសអ៊ុយក្រែនអំពីអ្វីដែលនឹងត្រូវចែកចាយ និងនៅពេលណា ។
អ្វីដែលគួរឱ្យបារម្ភបំផុតគឺការកើនឡើងនៃមនោសញ្ចេតនាគាំទ្ររុស្ស៊ីនៅក្នុងក្រុមស្តាំនិយមនៃលោកខាងលិចដែលជាក់ស្តែងភាគច្រើនជាអ្នកគាំទ្រអតីតប្រធានាធិបតីអាម៉េរិក Donald Trump ។
CNA