អ្នកការទូតជាន់ខ្ពស់របស់ចិនបានប្រាប់សមភាគីជប៉ុនរបស់គាត់ថា ទីក្រុងប៉េកាំងមានកង្វល់យ៉ាងខ្លាំងដោយសារការបង្កើនកម្លាំងយោធារបស់ទីក្រុងតូក្យូ ហើយបានរិះគន់ពួកគេចំពោះការទទួលយកចិត្តគំនិតនៃសង្រ្គាមត្រជាក់ នៅក្នុងកិច្ចពិភាក្សាសន្តិសុខផ្លូវការលើកដំបូងរបស់ពួកគេក្នុងរយៈពេល 4 ឆ្នាំមកនេះ។ អនុរដ្ឋមន្ត្រីការបរទេសចិនលោក Sun Weidong បាននិយាយកាលពីថ្ងៃពុធនៅពេលចាប់ផ្តើមកិច្ចប្រជុំនៅទីក្រុងតូក្យូជាមួយរដ្ឋមន្ត្រីការបរទេសជប៉ុនលោក Shigeo Yamada ថា និយាយឱ្យត្រង់ទៅ យើងមានក្តីកង្វល់ជុំវិញការចេញផ្សាយឯកសារការពារជាតិ និងសន្តិសុខថ្មីរបស់ជប៉ុន ។
គួររំលឹកដែរថា កិច្ចពិភាក្សាសន្តិសុខនេះមានគោលបំណងបន្ធូរបន្ថយភាពតានតឹងរវាងប្រទេសអាស៊ីបូព៌ាទាំងពីរ ដែលកើតឡើងនៅពេលដែលទីក្រុងតូក្យូមានការព្រួយបារម្ភយ៉ាងខ្លាំង បន្ទាប់ពីការវាយប្រហាររបស់រុស្ស៊ីលើអ៊ុយក្រែនដោយថាទីក្រុងប៉េកាំងនឹងងាកទៅរកសកម្មភាពយោធាដើម្បីដណ្តើមកាន់កាប់តៃវ៉ាន់ ហើយការធ្វើដូច្នេះបានទាក់ទាញប្រទេសជប៉ុនឱ្យធ្វើបែបនេះដែរ។គួរឱ្យដឹងដែរថា ជប៉ុនជាម្ចាស់ផ្ទះប្រមូលផ្តុំកម្លាំងអាម៉េរិកនៅបរទេសធំជាងគេនៅក្រៅសហរដ្ឋអាម៉េរិក។
ប្រភព៖ Reuters
By Chanratanak
