ក្រុមហ៊ុនទិន្នន័យសុខភាព Airfinity មានមូលដ្ឋាននៅចក្រភពអង់គ្លេសបាននិយាយកាលពីថ្ងៃព្រហស្បតិ៍ថាមនុស្សប្រហែល 9,000 នាក់នៅក្នុងប្រទេសចិនប្រហែលជាបានស្លាប់ជារៀងរាល់ថ្ងៃដោយសារជំងឺកូវីដ-19 ដែលបានកើនឡើងជិតទ្វេដងពីការប៉ាន់ប្រមាណកាលពីមួយសប្តាហ៍មុន ដោយសារការឆ្លងបានរាលដាលពាសពេញប្រទេសដែលមានប្រជាជនច្រើនបំផុតនៅលើពិភពលោកមួយនេះ។
ការឆ្លងជំងឺកូវីដ បានចាប់ផ្តើមរីករាលដាលពាសពេញប្រទេសចិនក្នុងខែវិច្ឆិកា ដោយបានកើនឡើងក្នុងខែនេះ បន្ទាប់ពីទីក្រុងប៉េកាំងបានទម្លាក់ចោលនូវគោលនយោបាយសូន្យកូវីដ របស់ខ្លួន រួមទាំងការធ្វើតេស្ត PCR ជាទៀងទាត់លើចំនួនប្រជាជនរបស់ខ្លួន និងការចេញផ្សាយទិន្នន័យស្តីពីករណីគ្មានរោគសញ្ញា ។
Airfinity បាននិយាយនៅក្នុងសេចក្តីថ្លែងការណ៍មួយថា ចំនួនអ្នកស្លាប់កើនឡើងនៅក្នុងប្រទេសចិនចាប់តាំងពីថ្ងៃទី 1 ខែធ្នូ ទំនងជាឈានដល់ 100,000 នាក់ជាមួយនឹងការឆ្លងសរុបចំនួន 18.6 លាននាក់ ។ ក្រុមហ៊ុននេះបាននិយាយថា ខ្លួនបានប្រើការធ្វើគំរូដោយផ្អែកលើទិន្នន័យពីខេត្តរបស់ចិន មុនពេលការផ្លាស់ប្តូរថ្មីៗចំពោះករណីរាយការណ៍ត្រូវបានអនុវត្ត ។
ក្រុមហ៊ុន Airfinity រំពឹងថាការឆ្លងជំងឺកូវីដរបស់ប្រទេសចិននឹងឈានដល់កម្រិតកំពូលដំបូងនៅថ្ងៃទី 13 ខែមករា ជាមួយនឹងករណីឆ្លងចំនួន 3.7 លានក្នុងមួយថ្ងៃ។
ក្រុមហ៊ុន Airfinity រំពឹងថាការស្លាប់នឹងកើនឡើងដល់កំពូលនៅថ្ងៃទី 23 ខែមករា ប្រហែល 25,000 នាក់ក្នុងមួយថ្ងៃ ជាមួយនឹងការស្លាប់កើនឡើងដល់ 584,000 ចាប់តាំងពីខែធ្នូ ។
ប្រភព ៖ Reuters
Translate by VISAL
