សមាជិកព្រឹទ្ធសភាមកពីគណបក្សសាធារណរដ្ឋចំនួនប្រាំរូបដែលដឹកនាំដោយលោក Marco Rubio កាលពីថ្ងៃសុក្របានស្នើឱ្យរដ្ឋបាលរបស់ប្រធានាធិបតី ចូ បៃដិនហាមឃាត់ការធ្វើដំណើរទៅមករវាងសហរដ្ឋអាម៉េរិក និងប្រទេសចិន បន្ទាប់ពីមានករណីជំងឺផ្លូវដង្ហើមនៅចិនកើនឡើង។
លិខិតទៅកាន់លោក បៃដិន បាននិយាយថា “យើងគួរតែដាក់កម្រិតជាបន្ទាន់នូវការធ្វើដំណើររវាងសហរដ្ឋអាម៉េរិក និង ចិន រហូតដល់យើងដឹងបន្ថែមអំពីគ្រោះថ្នាក់ដែលបង្កឡើងដោយជំងឺថ្មីនេះ”។
ការកើនឡើងនៃករណីថ្មីនូវជំងឺផ្លូវដង្ហើមបានក្លាយជាបញ្ហាសកលកាលពីសប្តាហ៍មុន នៅពេលដែលអង្គការសុខភាពពិភពលោកបានស្នើសុំប្រទេសចិនសម្រាប់ព័ត៌មានបន្ថែម ដោយលើកឡើងពីរបាយការណ៍ស្តីពីចង្កោមនៃជំងឺរលាកសួត ចំពោះកុមារ ។ មន្ត្រីរដ្ឋបាលលោក បៃដិន បាននិយាយថា សហរដ្ឋអាម៉េរិកកំពុងតាមដានយ៉ាងដិតដល់នូវការកើនឡើងនៃជំងឺផ្លូវដង្ហើមនៅក្នុងប្រទេសចិន ប៉ុន្តែបានបន្ថែមថា “យើងកំពុងមើលឃើញវាជាជំងឺតាមរដូវ ។ គ្មានអ្វីលេចចេញជារូបរាងខុសពីធម្មតានោះទេ ។
អ្នកនាំពាក្យស្ថានទូតចិនប្រចាំទីក្រុងវ៉ាស៊ីនតោន លោក Liu Pengyu បាននិយាយជាការឆ្លើយតបទៅនឹងលិខិតរបស់សមាជិកព្រឹទ្ធសភាអាម៉េរិកថា “ការអះអាងនេះ គឺជាការប្រឌិតដោយចេតនាសុទ្ធសាធប្រឆាំងនឹងប្រទេសចិន ”។
Reuters
