កូនស្រីពៅរបស់អតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត្រា នៅតែជាជម្រើសកំពូលរបស់ប្រទេសថៃ ដើម្បីក្លាយជាមេដឹកនាំបន្ទាប់របស់ខ្លួន នេះបើយោងតាមការស្ទង់មតិ ដោយទទួលបានពិន្ទុច្រើនជាងគូប្រជែងដែលកំពុងកាន់អំណាចបច្ចុប្បន្នលោក ប្រាយុទ្ធ ចាន់អូចា។
ប៉ែតុងថាន ស៊ីណាវ៉ាត្រា Paetongtarn Shinawatra អាយុ 36 ឆ្នាំ ដែលមានឪពុកឈ្មោះ ថាក់ស៊ីន និងម្តាយមីង យីងឡាក់ ទាំងពីរនាក់បានដឹកនាំរដ្ឋាភិបាលជាប់ឆ្នោតដែលត្រូវបានផ្តួលរំលំក្នុងរដ្ឋប្រហារ គឺជាជម្រើសកំពូលសម្រាប់អ្នកបោះឆ្នោតចំនួន 34% នៅក្នុងការស្ទង់មតិរបស់វិទ្យាស្ថានជាតិគ្រប់គ្រងការអភិវឌ្ឍន៍ (NIDA)។
ការគាំទ្ររបស់ Paetongtarn បានកើនឡើងយ៉ាងខ្លាំងពី 21.6% ពីការស្ទង់មតិខែកញ្ញា ។ NIDA បានស្ទង់មតិមនុស្សដែលមានអាយុបោះឆ្នោតចំនួន 2,000 នាក់នៅចន្លោះថ្ងៃទី 17 ខែធ្នូដល់ថ្ងៃទី 22 ខែធ្នូ ។
ថៃត្រូវតែរៀបចំការបោះឆ្នោតនៅខែឧសភាឆ្នាំក្រោយ នេះបើយោងតាមគណៈកម្មាធិការរៀបចំការបោះឆ្នោតរបស់ខ្លួន ប៉ុន្តែមិនទាន់កំណត់កាលបរិច្ឆេទច្បាស់លាស់នៅឡើយទេ ។
Paetongtarn គឺជានាយកប្រតិបត្តិនៅក្នុងគណបក្សភឿថៃ ដែលមិនទាន់បានបញ្ចេញឈ្មោះលោកជាបេក្ខជននាយករដ្ឋមន្ត្រីរបស់ខ្លួននោះទេ ។
អ្នកបោះឆ្នោតនៅក្នុងការស្ទង់មតិរបស់ NIDA ដែលបានគាំទ្រលោកស្រី Paetongtarn បាននិយាយថា វាមកពី “គោលនយោបាយរបស់គណបក្សរបស់លោកស្រី និងសមិទ្ធផលដែលសម្រេចមុនៗរបស់គ្រួសារ ត្រកូលស៊ីណាវ៉ាត្រា “។
ប្រភព ៖ Reuters
Translate by VISAL
