ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានហៅការដណ្តើមយកទីក្រុង Avdiivka ពីដៃកងទ័ពអ៊ុយក្រែនថា ជាជ័យជំនះដ៏សំខាន់ បន្ទាប់ពីកងទ័ពអ៊ុយក្រែនបានដកខ្លួនចេញពីទីក្រុងដែលរងការបំផ្លិចបំផ្លាញខ្ទិចខ្ទីនៅភាគខាងកើតនៃប្រទេស បន្ទាប់ពីមានការប្រយុទ្ធយ៉ាងខ្លាំងក្លាជាច្រើនខែ។
ទោះបីជាក្រសួងការពារជាតិរុស្សីបាននិយាយថា អង្គភាពយោធាអ៊ុយក្រែននៅជាប់គាំងនៅរោងចក្រកូកាកូឡារបស់ទីក្រុងក៏ដោយ ការឈានទៅមុខនៅលើ Avdiivka គឺជាការរីកចំរើនដ៏ធំបំផុតរបស់ទីក្រុងម៉ូស្គូ ចាប់តាំងពីបានដណ្តើមយកទីក្រុង Bakhmut កាលពីខែឧសភាមក ។
វាបានកើតឡើងប៉ុន្មានថ្ងៃមុនខួប ២ឆ្នាំនៃការលុកលុយពេញទំហឹងរបស់រុស្ស៊ីលើអ៊ុយក្រែន និងចំពេលអ៊ុយក្រែនមានការខ្វះខាតគ្រាប់រំសេវយ៉ាងធ្ងន់ធ្ងរ ។
ការដណ្តើមយកបានទីក្រុងនេះ ទំនងជាផ្តល់នូវការជំរុញទឹកចិត្តសម្រាប់រុស្ស៊ី មុនពេលការឈរឈ្មោះបោះលោក ពូទីន សម្រាប់ការបោះឆ្នោតនៅខែក្រោយ ដែលលោកស្ទើរតែប្រាកដក្នុងចិត្តថានឹងឈ្នះ ។
Reuters
