ក្រុមហ៊ុនរថយន្តប្រណិត Ferrari បានដាក់បង្ហាញបន្ទប់ពិសោធន៍ថ្មីមួយដើម្បីស្រាវជ្រាវផលិតថ្មលីចូម ខណៈដែលខ្លួនត្រៀមផលិតរថយន្តទំនើបអគ្គិសនីដំបូងបង្អស់របស់ខ្លួននៅចុងឆ្នាំ២០២៥ ។
Ferrari បាននិយាយកាលពីថ្ងៃចន្ទថា រោងចក្រដែលដឹកនាំដោយអ្នកវិទ្យាសាស្ត្រនៃសាកលវិទ្យាល័យ Bologna នឹងផ្តោតជាពិសេសលើការវិភាគស្ថានភាពរឹង ការសាកថ្មលឿន ការតេស្តកំដៅ សុវត្ថិភាព និងដំណើរការ។ មជ្ឈមណ្ឌលស្រាវជ្រាវថ្មីនេះអាចពន្លឿនកិច្ចខិតខំប្រឹងប្រែងរបស់ Ferrari ចូលទៅក្នុងពិភពរថយន្តអគ្គីសនី ។ ក្រុមហ៊ុនគ្រោងនឹងបង្ហាញរថយន្តអគ្គិសនីប្រភេទ Supercar ដំបូងរបស់ខ្លួននៅត្រីមាសទី ៤ ឆ្នាំក្រោយ ។
កាលពីខែកុម្ភៈ ក្រុមហ៊ុន BYD របស់ប្រទេសចិន បានដាក់បង្ហាញរថយន្តប្រភេទ Supercar ដែលមានតម្លៃ ២៣៣,៤៥០ ដុល្លារ ដើម្បីប្រកួតប្រជែងជាមួយ Ferrari និង Lamborghini ។ ខណៈពេលដែលក្រុមហ៊ុនផលិតទាំងពីរមិនទាន់បានបញ្ចេញរថយន្តអគ្គិសនីទំនើបរបស់ខ្លួននៅឡើយ។
Bloomberg