ក្រុមហ៊ុន BYD បានបង្ហាញរថយន្តថ្លៃបំផុតរបស់ខ្លួនកាលពីថ្ងៃអាទិត្យ ដែលមានតម្លៃ 1.68 លានយន់ ឬស្មើនឹង ២៣៣,៤៥០ ដុល្លារដែលជារថយន្ត supercar ប្រើថាមពលអគ្គីសនី ដែលនឹងប្រជែងជាមួយរថយន្តរបស់ក្រុមហ៊ុន Ferrari NV និង Lamborghini ។
រថយន្តនេះមានឈ្មោះថា Yangwang U9 ដែលនឹងចេញលក់ដំបូងសម្រាប់ទីផ្សារប្រទេសចិន ។ រថយន្តនេះអាចបង្កើនល្បឿនដល់ទៅ ១០០ គីឡូម៉ែត្រក្នុងមួយម៉ោងក្នុងរយៈពេល ២,៣៦ វិនាទី និងឈានដល់ល្បឿនអតិបរមា ៣០៩គីឡូម៉ែត្រក្នុងមួយម៉ោង។
BYD បានក្លាយជាអ្នកលក់រថយន្តអគ្គីសនីដ៏ធំបំផុតនៅទូទាំងពិភពលោក ដោយវ៉ាដាច់ក្រុមហ៊ុន Tesla ក្នុងត្រីមាសចុងក្រោយនៃឆ្នាំ ២០២៣ ។ ខណៈពេលដែលវាត្រូវបានគេស្គាល់កាន់តែច្បាស់សម្រាប់ការផលិតរថយន្តអគ្គីសនីដែលមានតម្លៃថោក ។
Bloomberg