កាសែត National Business Daily បាននិយាយកាលពីថ្ងៃអង្គារថា អត្រាមានកូននៅក្នុងប្រទេសចិនត្រូវបានគេប៉ាន់ប្រមាណថាបានធ្លាក់ចុះដល់កម្រិតទាបបំផុតត្រឹម ១,០៩ ក្នុងឆ្នាំ ២០២២ ខណៈដែលចិនបានឹងកំពុងព្យាយាមជំរុញឲ្យមានការកើនឡើងនូវចំនួនទារកទើបនឹងកើតដែលកំពុងធ្លាក់ចុះរបស់ប្រទេស ។
កាសែតរដ្ឋចិននេះបាននិយាយថា តួលេខពីមជ្ឈមណ្ឌលស្រាវជ្រាវចំនួនប្រជាជន និងការអភិវឌ្ឍន៍របស់ប្រទេសចិន បានបង្ហាញពីកម្រិតមានកូនទាបបំផុតក្នុងចំណោមប្រទេសដែលមានប្រជាជនច្រើនជាងទី២ លើលោកមួយនេះ ។
អត្រានៃការមានកូននៅក្នុងប្រទេសចិនស្ថិតក្នុងកម្រិតទាបបំផុតរបស់ពិភពលោកជាមួយនឹងប្រទេសកូរ៉េខាងត្បូង តៃវ៉ាន់ ហុងកុង និងសិង្ហបុរី ។ ដោយមានការព្រួយបារម្ភអំពីការធ្លាក់ចុះចំនួនប្រជាជនលើកដំបូងរបស់ប្រទេសចិនក្នុងរយៈពេលប្រាំមួយទសវត្សរ៍ និងចំនួនប្រជាជនដែលមានវ័យចំណាស់យ៉ាងឆាប់រហ័ស ទីក្រុងប៉េកាំងកំពុងព្យាយាមដាក់ជាបន្ទាន់នូវវិធានការនានាដើម្បីលើកអត្រាកំណើត រួមទាំងការលើកទឹកចិត្តផ្នែកហិរញ្ញវត្ថុ និងការកែលម្អកន្លែងថែទាំកុមារ ។
ការចំណាយលើការមើលថែកូនខ្ពស់ បានធ្វើឱ្យស្ត្រីចិនជាច្រើនលែងចង់មានកូនច្រើន ឬក៏មិនចង់មានកូនតែម្ដង ។ ការរើសអើងយេនឌ័រ និងគំរូបែបប្រពៃណីរបស់ស្ត្រីដែលមើលថែកូនរបស់ពួកគេនៅតែរីករាលដាលពាសពេញប្រទេស ។
ប្រភព ៖ Reuters
