អាជ្ញាធរអាកាសចរណ៍ស៊ីវិលហ្វីលីពីនបាននិយាយនៅថ្ងៃសុក្រនេះថា ប្រទេសហ្វីលីពីនបានដាក់អាកាសយានដ្ឋានពាណិជ្ជកម្មទាំងអស់របស់ខ្លួនលើការប្រុងប្រយ័ត្នខ្ពស់ បន្ទាប់ពីមានការព្រមានពីជនអនាមិកថា គ្រាប់បែកអាចមាននៅលើយន្តហោះដែលធ្វើដំណើរចេញពីទីក្រុងម៉ានីល រួមទាំងទៅកាន់កន្លែងទេសចរណ៍ជាច្រើនផងដែរ។
អាជ្ញាធរអាកាសចរណ៍ស៊ីវិលហ្វីលីពីន (CAAP) បាននិយាយនៅក្នុងប្រព័ន្ធផ្សព្វផ្សាយថា “វិធានការសន្តិសុខដែលបានពង្រឹងភ្លាមៗ” កំពុងត្រូវបានអនុវត្តនៅអាកាសយានដ្ឋានពាណិជ្ជកម្មចំនួន ៤២ នៅទូទាំងប្រទេស។ ការព្រមាននេះត្រូវបានផ្ញើតាមអ៊ីមែលទៅកាន់អាជ្ញាធរចរាចរណ៍ផ្លូវអាកាសអំពីការគំរាមកំហែងដល់ជើងហោះហើរចេញពីរដ្ឋធានីម៉ានីលឆ្ពោះទៅកាន់ Davao, Bicol និងតំបន់ទេសចរណ៍ដ៏ពេញនិយមនៃកោះ Palawan និង Cebu ។
CAAP មិនបាននិយាយថា ការព្រមានបំផ្ទុះគ្រាប់ត្រូវបានធ្វើឡើងនៅពេលណានោះទេ ។
Reuters