ក្រុមស៊ើបការណ៍សម្ងាត់របស់អាម៉េរិកបាននិយាយកាលពីថ្ងៃចន្ទថា ពួក Hacker ចិនបានលួចយកលុយអត្ថប្រយោជន៍សម្រាប់ជំនួយសង្គ្រោះ COVID របស់សហរដ្ឋអាម៉េរិករាប់សិបលានដុល្លារចាប់តាំងពីឆ្នាំ 2020 មក។
សេវាស៊ើបការណ៍សម្ងាត់បានបដិសេធមិនផ្តល់ព័ត៌មានលម្អិតបន្ថែមទេ ប៉ុន្តែបានបញ្ជាក់របាយការណ៍មួយដោយ NBC News ដែលបាននិយាយថាក្រុម hacker របស់ចិនដែលត្រូវបានរាយការណ៍ថា ទទួលខុសត្រូវត្រូវបានគេស្គាល់ថាមានឈ្មោះ APT41 ឬ Winnti ។
យោងតាមអ្នកជំនាញបានឱ្យដឹងថា APT41 គឺជាក្រុមឧក្រិដ្ឋជនតាមអ៊ីនធឺណិតដែលបានធ្វើការចម្រុះតាមរយៈការឈ្លានពានតាមអ៊ីនធឺណិតដែលទទួលបានការគាំទ្រដោយរដ្ឋាភិបាលចិន ។
សមាជិកមួយចំនួននៃក្រុមHacker នេះត្រូវបានចោទប្រកាន់នៅឆ្នាំ 2019 និង 2020 ដោយក្រសួងយុត្តិធម៌សហរដ្ឋអាមេរិកពីបទធ្វើចារកម្មលើក្រុមហ៊ុនជាង 100 រួមទាំងក្រុមហ៊ុនអភិវឌ្ឍន៍កម្មវិធី ក្រុមហ៊ុនផ្តល់សេវាទូរគមនាគមន៍ ក្រុមហ៊ុនប្រព័ន្ធផ្សព្វផ្សាយសង្គម និងអ្នកបង្កើតវីដេអូហ្គេម ។
អតីតអគ្គមេធាវីរង Jeffrey Rosen បាននិយាយនៅពេលនោះថា “គួរឱ្យសោកស្ដាយ បក្សកុម្មុយនិស្តចិនបានជ្រើសរើសផ្លូវផ្សេងក្នុងការធ្វើឱ្យប្រទេសចិនមានសុវត្ថិភាពសម្រាប់ឧក្រិដ្ឋជនតាមអ៊ីនធឺណិត ដរាបណាពួកគេវាយប្រហារកុំព្យូទ័រនៅខាងក្រៅប្រទេសចិន និងលួចកម្មសិទ្ធិបញ្ញាដែលមានប្រយោជន៍ដល់ប្រទេសចិន” ។
ប្រភព ៖
Reuters
