នៅរដូវក្តៅឆ្នាំ ២០០៩ លោក Shou Zi Chew បានធ្វើការជានិស្សិតហាត់ការសម្រាប់ក្រុមហ៊ុនបណ្ដាញសង្គម Facebook ។ ជាងមួយទស្សវត្សរ៍ក្រោយមក គាត់បានវិវឌ្ឍន៍ខ្លួន ដើម្បីក្លាយជាម្ចាស់ក្រុមហ៊ុនដែលជាគូរប្រកួតប្រជែងដ៏ធំបំផុតរបស់ក្រុមហ៊ុនបច្ចេកវិទ្យាយក្សរបស់សហរដ្ឋអាម៉េរិក និងជាក្រុមហ៊ុនមួយដែលមេធំ Facebook ព្យាយាមកម្ចាត់ឲ្យបាត់ពីក្នុងសហរដ្ឋអាម៉េរិក និងបណ្ដាប្រទេសមួយចំនួន នោះគឺ TikTok ។
បុរសជនជាតិសិង្ហបុរីវ័យ 40 ឆ្នាំរូបនេះបានដើរតាមអតីតចៅហ្វាយនាយរបស់គាត់គឺលោក Mark Zuckerberg នៅពេលដែលគាត់បង្ហាញខ្លួននៅចំពោះមុខសភានៅថ្ងៃព្រហស្បតិ៍ ទី ២៣ មិនា កន្លងទៅដោយប្រឈមមុខនឹងសំណួរអំពីការព្រួយបារម្ភជុំវិញការរក្សាសុវត្ថិភាពទិន្នន័យរបស់អុ្នកប្រើប្រាស់កម្មវិធីដ៏ពេញនិយមបំផុតរបស់ពិភពលោកមួយនេះ ។
សមាជិកនៃគណៈកម្មាធិការថាមពល និងពាណិជ្ជកម្មរបស់សភាបានចោទសួរគាត់អំពីការចោទប្រកាន់ទាក់ទងនឹងទំនាក់ទំនងរបស់ TikTok ជាមួយរដ្ឋាភិបាលចិន ខណៈសមាជិកសភាអាម៉េរិកមួយចំនួនអំពាវនាវឱ្យមានការហាមឃាត់ទាំងស្រុងលើកម្មវិធីTikTok នៅក្នុងសហរដ្ឋអាម៉េរិក ជុំវិញការភ័យខ្លាចថាកម្មវិធីដែលមានទីស្នាក់ការកណ្ដាលនៅសហរដ្ឋអាម៉េរិក និងប្រទេសសិង្ហបុរីមួយនេះត្រូវបានគេប្រើជាឧបករណ៍សម្រាប់ចារកម្ម និង ការផ្សព្វផ្សាយមនោគមរបស់បក្សកុម្មុយនិស្តចិន ។
សមាជិកសភាបានឆ្លៀតឱកាសដើម្បីស្គាល់មេដឹកនាំបច្ចេកវិទ្យាដ៏ធំមួយរូបនេះបន្ថែមទៀត ព្រោះវាជាការបង្ហាញខ្លួនជាសាធារណៈតែមួយគត់ដែលគាត់ធ្លាប់បានធ្វើនៅក្នុងសហរដ្ឋអាម៉េរិក ទោះបីជា TikTok ត្រូវបានប្រើប្រាស់ដោយមនុស្សជាង 150 លាននាក់នៅក្នុងសហរដ្ឋអាម៉េរិកក៏ដោយ។
ដូច្នេះតើគេដឹងអ្វីខ្លះអំពីគាត់?
បន្ទាប់ពីធំឡើងនៅប្រទេសសិង្ហបុរី គាត់បានផ្លាស់ទៅទីក្រុងឡុងដ៍ដើម្បីសិក្សាបរិញ្ញាបត្រផ្នែកសេដ្ឋកិច្ចនៅសាកលវិទ្យាល័យ College London ដែលគាត់បានបញ្ចប់ការសិក្សានៅឆ្នាំ 2006។ ប្រវត្តិរូប LinkedIn របស់គាត់បង្ហាញថាគាត់បានធ្វើការជាអ្នកជំនាញផ្នែកវិនិយោគនៅធនាគារ Goldman Sachs មុនពេលផ្លាស់ទៅសិក្សានៅរដ្ឋ Boston សហរដ្ឋអាម៉េរិកដោយនៅទីនោះគាត់បានបញ្ចប់ថា្នក់អនុបណ្ឌិតផ្នែកគ្រប់គ្រងពាណិជ្ជកម្មនៅសាកលវិទ្យាល័យ Harvard Business School ។ នៅទីនោះដែរ ជាកន្លែងដែលគាត់បានជួបប្រពន្ធរបស់គាត់អ្នកស្រី Vivian Kao ដែលកូនកាត់តៃវ៉ាន់អាម៉េរិកាំង ។
ពួកគេមានកូនពីរនាក់ ហើយលោក Shou Zi Chew បានអះអាងថា គាត់មិនទាន់អនុញ្ញាតិឲ្យកូនរបស់គាត់ប្រើ TikTok ទេ ។ គាត់បាននិយាយក្នុងអំឡុងពេលបង្ហាញខ្លួនជាសាធារណៈដ៏កម្រនៅឯកិច្ចប្រជុំកំពូល DealBook ឆ្នាំ 2022 របស់ The New York Times ថា “ពួកគេនៅក្មេងពេកសម្រាប់រឿងនោះ” ។
បន្ទាប់ពីសាកលវិទ្យាល័យ Harvard អ្នកទាំងពីរបានផ្លាស់ទៅប្រទេសចិនជាកន្លែងដែលគាត់ធ្វើការជាធនាគារបណ្តាក់ទុននៅក្នុងទីក្រុងប៉េកាំង។ ការវិនិយោគមួយក្នុងចំណោមការវិនិយោគដែលគាត់បានធ្វើគឺនៅក្នុងក្រុមហ៊ុនមេរបស់ TikTok គឺ ByteDance ដែលនៅពេលនោះ គឺជាការចាប់ផ្តើមរៀនភាសាកុំព្យូទ័រ ។
ចំណាប់អារម្មណ៍របស់គាត់នៅក្នុងវិស័យបច្ចេកវិទ្យាបានទាក់ទាញគាត់ឱ្យទៅកាន់តួនាទីសំខាន់បន្ទាប់របស់គាត់ជាប្រធានផ្នែកហិរញ្ញវត្ថុនៃក្រុមហ៊ុនផលិតទូរស័ព្ទចិន Xiaomi ។ ក្នុងអំឡុងពេលរបស់គាត់នៅទីនោះ គាត់បានជួយផ្សព្វផ្សាយក្រុមហ៊ុនជាសាធារណៈនូវអ្វីដែលជា IPO បច្ចេកវិទ្យាដ៏ធំបំផុតមួយរបស់ប្រទេសក្នុងប្រវត្តិសាស្ត្រ ។
គាត់បានចូលរួមជាមួយ TikTok ក្នុងខែមីនា ឆ្នាំ 2021 ហើយក៏បានបម្រើការជា CFO របស់ក្រុមហ៊ុនមុនពេលចូលកាន់តួនាទីកំពូលជា CEO ប៉ុន្មានខែក្រោយមកក្នុងខែឧសភា ។
ក្រោមការដឹកនាំរបស់គាត់ លោក Chew បានជំរុញ TikTok ឱ្យទទួលបានភាពជោគជ័យបច្ចេកវិទ្យារបស់ចិនដ៏ធំបំផុតដែលសហរដ្ឋអាមេរិក និងពិភពលោកមិនធ្លាប់បានឃើញ។ ប៉ុន្តែវាគឺដោយសារតែប្រភពដើមរបស់វា និងតំណភ្ជាប់ដែលមិនអាចជៀសវាងបានទៅកាន់រដ្ឋចិន – ក្រុមហ៊ុនទាំងអស់នៅក្នុងប្រទេសចិនត្រូវតែយល់ព្រមក្នុងការចែករំលែកទិន្នន័យជាមួយគណបក្សកុម្មុយនិស្តប្រសិនបើមានការស្នើសុំ – ថាអត្ថិភាពរបស់កម្មវិធីឥឡូវនេះកំពុងស្ថិតនៅក្រោមការគំរាមកំហែង។
ប្រភព ៖ The Independent
By Suon Visal
